Telemadrid, hurrengoa ote?
RTVV Valentziako irrati-telebistaren itxierak aurrekari bakarra du Europan: Greziako Gobernuak ERT telebista publikoa 'itzali' izana. Dena dela, baliteke RTVVren itxiera lehenengoa baino ez izatea Espainiako Estatuan.
Horren ildotik, mehatxu gertukoena Telemadridek du. Izan ere, Auzitegi Gorenak enplegu-erregulazioko txostena baliogabetuko balu, erkidegoaren irrati telebista publikoa itxi egingo lukeela ohartarazi zuen Ignacio Gonzalez Madrilgo Autonomia Erkidegoko presidenteak, urriaren 30ean.
Gorenak erregulazioko txostena babestuko balu, Telemadrid bere horretan utziko lukete, egungo baldintzetan, baina, baliogabetuko balu, "ixtea izango litzateke aukera bakarra", horren esanetan.
Sindikatuek Telemadrid "bideraezina" egiten baldin badute, "zoritxarrez mantendu ezin izango" dutela ohartarazi du Ignacio Gonzalezek. Madrilgo presidentearen hitzetan, Valentzian gertatutakoaren "kontrakoa" pasa da Madrilen; izan ere, Madrilgo Justizia Auzitegi Nagusiak "aldeko epaia" eman zuen, nahiz eta "sindikatuek helegitea aurkeztu eta behin betiko ebazpenaren zain egon".
"Defizitarioak diren komunikabide publikoak ezin daitezke mantendu, oreka eman behar diegu", esan du.
Orekatzea "posible ez" bada "alternatiba bakarra ixtea litzateke", Gobernuko presidentearen ahotan. "Bideragarria egin behar dugu, eta sindikatuek bideraezina egiten baldin badute, zoritxarrez ezin izango da mantendu", erantsi du.
Hain zuzen ere, Telemadridek 860 langile kaleratu zituen, eta egun 300 inguru baino ez ditu.
Justiziak erregulazioko espedientea atzera bota izana da, hain zuzen ere, Valentziako Gobernuak RTVV ixteko aitzakia.
Asturiasen ere, irrati-telebista publikoak enplegu-erregulazioko txostena onar lezake hurrengo urtean. Aurten, langileen soldatak % 10 jaitsi dituzte bertan.
Oraingoz, TV3k ez du erregulazioko txostenik aurkeztuko, baina ikusteko dago 2014. urtean zer gertatzen den, soldatak % 5 jaistearen truke lanpostu guztiak mantentzea bermatzen duen lan-hitzarmena urte amaieran bukatuko baita.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.