Fagor Etxetresnakek ez du gaur eskatuko hartzekodunen konkurtsoa
Fagor Etxetresnak konpainiak ez du ostiral honetan eskatuko hartzekodunen konkurtsoa, urrats hori gaurko iragarrita bazegoen ere, eta azkenean "epe laburrean" egingo du, datozen egunotan, kooperatibatik Europa Press agentziari jakinarazi diotenez.
Une honetan, zalantza nagusia Edesa Basauri da. Asteazkenean, Jose Luis Bilbao Bizkaiko ahaldun nagusiak lantegia "salbatu" egingo dela iragarri zuen, foru erakundeak 3 milioi euroko bermea emango diolako. Fagor Etxetresnaketik, baina, ukatu egin dute, eta oraindik ez dutela zer egin erabaki zehaztu dute.
Horren ildotik, Fagor Etxetresnaken Kontseilu Errektorea bilera egin du goizeko lehen ordutik, Edesaren egoera eta Bizkaiko Aldundiaren eskaintza aztertzeko. Ez dago garbi gaur zerbait erabakiko duten.
3 milioi euroko laguntza iragarri zuenean, epe laburreko konponbidea baino ez dela aitortu zuen Bilbaok berak, Edesak bideragarritasun plan bat diseinatu beharko baitu.
Laugarren eguna, Endesan itxita
Bien bitartean, Edesako langileek aurrera egin dute itxialdiarekin, eta gaur laugarren eguna dute Basauriko lantegian, itxita.
Langileek asteartean abiatu zuten protesta, Fagor Etxetresnak ez ixtea eskatzeko eta kooperatibaren langile guztiei elkartasuna adierazteko.
Fagorreko bazkideek konpromisoa eskatu diete erakundeei
Bestalde, Fagor Etxetresnaken Kontseilu Sozialak (langile bazkideen ordezkariak) industriarekin eta enpleguarekin "bankuekin erakutsitako konpromiso maila bera" erakustea eskatu diete erakunde publikoei.
Agiri batean, Kontseilu Sozialak "bere gain" hartu du gertatutakoan "berak eta bazkide guztiek duten erantzukizuna", baina beste ardura batzuk "ezerezean" geratzea eta bazkideek tratu "desegokia" jasotzea ez dutela onartuko ohartarazi du.
Bazkideen ordezkariek "mugimendu kooperatibista indartzeko" lanean jarraitzeko deia egin du.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.