Fagorrek ez duela beste aukerarik uste du Tapiak
Arantza Tapia Eusko Jaurlaritzaren Enplegu eta Lehiakortasun sailburuak azpimarratu du Fagor Etxetresnak enpresak, hartzekodunen konkurtsoan sartzea erabaki duenak, ez duela "beste aukerarik aztertzeke" hartutako erabakia aldatzeko. Hori horrela, beste erakunde batzuek "azken unean" aurkeztutako neurriak dagoeneko aztertu eta garatu dituztela azaldu du.
Sailburuak "patxadaz eta arduraz" jokatzeko deia egin die "ekonomiaren alde" lan egiten duten "eragile publiko eta pribatuei".
Gipuzkoa Buru Batzarrek (GBB) Donostian antolatutako heziketa jardunaldi batzuetan parte hartu ostean azaldu duenez, Fagorrek hartzekodunen konkurtsoan sartzeko hartu duen erabakia "korporazioarena da", eta "baztertu" egin behar dira "testuinguru honetan egiten ari diren mugimendu nahasi eta urduriak".
Tapiaren esanetan, "prozesuaren jarraipena egin ez duten" erakundeek "azken unean" mahai gainean jarri dituzten neurriak "dagoeneko aztertuak eta garatuak izan dira". "Korporazioarekin eta beste eragile batzuekin aztertuak izan diren aukerak dira", gaineratu du.
Horren harira, Tapiak azpimarratu du ez dagoela aztertu gabeko "beste aukerarik". "Mondragonek erabakia hartu du, eta ez da ahaztu behar enpresa pribatua dela", berretsi du.
Hori guztia kontuan izanda, "irtenbidea" bilatzeko lan egitea aldarrikatu du; izan ere, Eusko Jaurlaritza horretan ari omen da "jada", eta "neurri guztiak" jarriko omen ditu abian "eragina ahal den txikiena izan dadin".
Edesa
Fagorrek Edesa filialaren inguruan hartu duen erabakia harrigarria iruditu ote zaion galdetuta, Tapiak erantzun du "erabaki pribatua" dela, ez dela nahiko luketen "testuinguru egokiena, baina haien irtenbidea da".
Albiste gehiago ekonomia
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.
Hiru behargin hil dira lan-istripuz 24 orduan
LAB sindikatuak salatu duenez, bi langile hil dira basolanetan ari zirela, Altsasun (Nafarroa) eta Eskoriatzan (Gipuzkoa). Beste batek istripu ez traumatikoa izan du, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.