Lanbiden egun osoko lanuztea deitu dute gaurko
Egun osoko lanuztea deitu dute ELA eta LAB sindikatuek, gaurko, Lanbide Euskal Enplegu Zerbitzuko bulegoetan. Protestarekin, Eusko Jaurlaritzak Lanbiderako duen lan plangintza salatuko dute. Sindikatuok jakinarazi dutenez, Lanbideren negoziazio mahaia biltzeko deirik egin gabe jarraitzen du Eusko Jaurlaritzak, "inolako azalpenik eman gabe". Agindutako negoziazio egutegirik ere ez omen die aurkeztu Gasteizko Gobernuak.
Funtzio Publikoko langileen ordezkariek eta Lanbideko arduradunek egin dituzten bileretan, lanpostuen inguruko planaren aurrean Jaurlaritzak erakutsi duen "jarrera itxia" ere salatu dute sindikatuek.
Gaurko lanuztearekin bat egiteko deia egin diete gainerako sindikatuei ELAk eta LABek, "denok batera, EAJren Gobernuari erantzun sendo bat" emateko. "Beste presiobide bat izango da biharko lanuztea. Jakin badakigu gure mobilizazioek eragin handia dutela. Beraz, ahalegin horretan jarraituko dugu, Funtzio Publikoak eta Lanbidek euren jarrerak goitik behera alda ditzaten", esan dute sindikatuek.
Azaroan ere hainbat protesta egin zituzten Lanbideko langileek, ELAk eta LABek deituta. Azaroaren 11n, esaterako, egun osoko lanuztea egin zuten, eta langileen % 70ek egin zuen bat grebarekin, sindikatuen arabera.
Albiste gehiago ekonomia
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.
Bigarren Hezkuntzan eta Lanbide Heziketan eskainitako irakasle-plazen % 17 hutsik geratu dira Nafarroan
Eskainitako 473 plazetatik 84 ez dira bete. Lehen Hezkuntzan, berriz, ia ez da lanposturik geratu bete gabe.
Correosek aldi baterako etengo ditu balio txikiko paketeen bidalketak Estatu Batuetara eta Puerto Ricora
Correosek ostiral honetan ohar baten bidez jakitera eman duenez, Estatu Batuetako aduana-arauak aldatu dira, balio txikiko bidalketei aplikatzen zitzaien muga-zergen salbuespena kentzeko. Ondorioz, Correos-ek mota horretako bidalketak 24ko (igandea), 23:59ra bitartean soilik onartuko ditu.
AEBko banku zentrala interes-tasak jaistea aztertzen ari da
Jerome Powell Erreserba Federaleko presidenteak Trumpen garaiko lehen murrizketa iradoki du, eta New Yorkeko burtsak gora egin du.