AHTa ez da martxan izango 2018a baino lehen, Oregiren arabera
2018a baino lehen ez da martxan izango Abiadura Handiko Trenaren euskal zatia, Ana Oregi Eusko Jaurlaritako Ingurumen eta Lurralde Politikako sailburuak Euskadi Irratian jakinarazi duenez. "Ez da errealista 2018a baino lehen martxan izango dela pentsatzea, baina hortik aurrera ikusiko dugu, eta Espainiako Sustapen Ministerioarekin elkarlanean aritu beharko dugu", gaineratu du.
Oregik egindako kalkuluen arabera, 2016rako Gipuzkoako trenbidea, Jaurlaritzaren ardurako zati bakarra prest egongo da, baina trenbideaz gain badira egin beharreko beste albo-lanak, eta horiek egiteko denbora gehiago beharko da; hain zuzen ere, gainegiturak egiteko, sistema elektrikoa martxan jartzeko eta bestelako lanak egiteko beste urte eta erdi eta bi urte artean beharko dela azaldu du.
Eusko Jaurlaritzak eta Espainiako Gobernuak Abiadura Handiko Trenaren lanei jarraipena egiteko batzordeak bilera egingo du, eta Jaurlaritzak Bizkaian eta Araban egin gabe dauden zatietako obren lizitazioari buruzko azalpenak eskatuko dizkio Gobernuari, eta Burgos eta Gasteiz arteko zatiari buruzko informazioa eskatuko dio.
Euskadi Irratian egindako elkarrizketa batean azaldu duenez, bihar AHTaz Madrilen egingo duten bilera 2006az geroztik egingo duten erakundeen arteko bigarrena izango da. Jaurlaritzako Ingurumen eta Lurralde Politikako Sailak ohar bat kaleratu du, eta horren arabera 2006an Jaurlaritzak eta Espainiako Sustapen Ministerioak AHTaren gaineko hitzarmena sinatu ondoren bilera bakarra egin dute.
Oregiren ustez, ez da onargarria Ministerioak Gasteizen eta Burgosen arteko lotura nolakoa izango den ez azaltzea.
Erakundeen arteko bilera Madrilen
Bestalde, bihar Abiadura Handiko Trenaren lanen inguruko beste bilera bat izango da Madrilen, trenak Bilbon izango duen sarbidea aztertzeko.
Donostiari buruzko bilera urtarrilaren 16an izango da, eta Gasteizi buruzko beste bilera monografiko bat ere egingo da, baina horrek ez du datarik oraindik.
Albiste gehiago ekonomia
Euskal pentsiodunek manifestazioa egingo dute hilaren 20an, Jaurlaritzak pentsioen osagarriari buruzko HELa baztertu ostean
EAEko pentsiodunek manifestazioa egingo dute Bilbon (Jesusen Bihotzetik, 18:00etan), Donostian (Boulevardetik, 12:00etan) eta Gasteizen (Artiumen plazatik, 12:00etan).
Etxebizitzaren prezioa % 12,4 garestitu da urteko bigarren hiruhilekoan Euskadin, eta % 12 Nafarroan
Espainian, oro har, etxebizitzen prezioaren igoera urte arteko % 12,7an kokatu da. Etxebizitza motaren arabera, bigarren eskukoa % 12,8 garestitu da eta berria % 12,1.
Balore Merkatuaren Espainiako Batzordeak onespena eman dio BBVAk Sabadell erosteko egindako eskaintza publikoari
Ikuskatzaileak uste du eskaintzaren baldintzak bat datozela indarrean dauden arauekin, eta nahikotzat jo du BBVAk aurkeztutako azalpen-liburuxkaren edukia.
Denis Itxaso: "EAEko biztanleriaren % 50 baino gehiago egongo da tentsio handiko etxebizitza-eremuaren babesean urritik aurrera"
Radio Euskadin egindako elkarrizketa batean, Eusko Jaurlaritzako Etxebizitza eta Hiri Agendako sailburu Denis Itxasok esan du Bilbo tentsio handiko etxebizitza-eremu gisa onartu dutela, eta Gasteiz ere zerrendan sar daitekeela. Beste udalerri batzuk sartuta, sailburuaren arabera, Jaurlaritzaren helburua gaindituko da; EAEko biztanleriaren % 50 babestea babes-figura horren bidez. (Jatorrizkoa: Gaztelaniaz)
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.