Diaz Ferrani bi urte eta bi hilabeteko kartzela zigorra ezarri diote
Auzitegi Nazionalak bi urte eta bi hilabeteko kartzela zigorra ezarri dio Gerardo Diaz Ferran CEOE patronalaren presidente ohiari, Air Cometek Aerolineas Argentinas konpainia erostean Ogasunari iruzur egin ziola ebatzita.
Zigor arloko Salak emandako ebazpenak Antonio Mata Air Cometeko presidente ohia ere zigortu du, bi urte eta lau hilabetera.
Diaz Ferran duela urtebete sartu zuten kartzelan, behin-behinekoz.
Kartzela zigorraz gain, Ogasunari eman gabeko diru kopuru bera ezarri dio isun gisa. Hau da, 99,04 milioi euro ordaindu beharko ditu Espainiako patronalaren presidenteak. Gainera, lau urtez diru-laguntza publikoak jasotzea eta pizgarri eta etekin fiskalak edukitzea debekatuta izango du Diaz Ferranek. Azkenik, sufragio pasiboaren eskubidea ere ezingo du baliatu zigorra indarrean dagoen denboran.
Aerolineas Argentinas erosteko operazioa hainbat enpresaren bitartez egin zuten Diaz Ferranek, Antonio Matak eta Marsansen Diaz Ferranen bazkidea zen Gonzalo Pascual Diazek: Air Comet, Segetur (Matarenak ziren sozietateak), Transportes de Cercanias (Diaz Ferranen ordezkaritzapean) eta Autobuses Urbanos del Sur (Busursa; azken hau Pascualen esku).
Epaileak frogatutzat eman du Diaz Ferranek eta Matak 99 milioi euroko iruzurra egin ziotela Ogasunari, eta SEPI Estatuko Industria Partaidetzarako Sozietatearen funts publikoak erabili zituztela "arazo ekonomiko larriak zituen enpresa batez libratzeko". Horretarako, Interinvest sozietate argentinarra pantaila gisa erabili zuten, Espainian zergarik ordaintzen ez zuelako.
Zure interesekoa izan daiteke
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.