Eroskiren bazkideek galeren zati bat euren gain hartuko dute
Eroskiko Kontseilu Errektoreak egindako proposamena babestu dute kooperatibaren bazkideen % 80k eta, horrenbestez, enpresak 2013an izandako galeren % 30 euren gain hartuko dituzte, talde kooperatibistaren iturriek jakinarazi dutenez. Behin betiko erabakia maiatzean egingo den 2014ko Batzar Nagusian hartuko dute, dena dela.
Joan den astea zuten bozkatzeko Eroskiko 8.500 bazkideek. Kontseilu Errektoreak proposamena egin zien, galeren % 30 kooperatiben gain geratzea eta, gainerakoa, erreserbetatik hartzea. Lehen aldia da galeren zati bat bazkideen lepo doana.
Bazkideek ia aho batez onartu dute Kontseiluaren proposamena, eta babes "zabal" hori nabarmendu nahi izan dute Eroskiko iturriek, "erantzun oso ona eta kultura kooperatiboaren egonkortasuna berretsi" dela ulertuta.
Ohikoa den moduan, bazkideei "zuzenean" galdetuta egin dute kontsulta.
Kontseilu Errektorearen proposamena oinarri hartuta, emaitzen banaketa zelan egingo den erabakitzen du urtero Eroskiko Batzar Orokorrak. Azken 10 urteotan etekinak bakarrik banatu dituzte : % 60 erreserbara eta % 10 gizarte-ekintzara bideratzen zuten. Gainerakoa, % 30, bazkideen esku geratzen zen.
Bazkide bakoitzak bere gain hartuko du galeren %30
Hala, bazkideek adostutako proposamen horren arabera "Banakako Erreserba Negatiboa" eratuko dute. Hau da, bazkide bakoitzaren kontutik ezberdindua egongo den beste kontu bat. Datozen bost urteetan enpresak etekinik badu, kendutakoekin konpentsatuko dute.
Eroskiko zuzendaritzatik gogorarazi dutenez, etekinak ere halatsu banatu dituzte orain arte, eta beraz, galerekin berdin jokatuta, "koherente" izan dira bazkideak.
Zuzendaritzak eskainitako datuen arabera, Eroskik etekin gehien izan zituen urtean, 2006an, bederatzi hileko soldaten pare jaso zuten euren ohiko kontuan.
121 milioiko galerak 2012an
Eroski taldeak 121 milioiko galerak izan zituen 2012an (60 milioi Eroski S.Coop.i dagozkio). 2011n, 43,01 milioi galdu zituen taldeak.
Salmenten galerari aurre egiteko hainbat ekimen abiatu ditu konpainiak, krisia abiatu zenetik.
Abendu hasieran, bankuek bere plan estrategikoa babestea eta zorra birfinantzatzea lortu zuen Eroskik. Azken bost urteetan pasiboa 1.200 milioi eurotan murrizketa erdietsi du kooperatibak.
Zure interesekoa izan daiteke
Langile bat hil da Goiaingo industrialdean izandako lan-istripuan
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean Greba Batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurralde arteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".