Soldatak jaisteko gomendatu dio NDFk Espainiari, enplegua sor dadin
Nazioarteko Diru Funtsak (NDF) adierazi duenez, “2010 urtetik Espainian izan den soldaten jaitsiera ez da nahikoa izan aurreko urteetan izandako gehiegizko igoerak konpentsatzeko”. Horrek guztiak langabeziaren hazkundea eragin duela zehaztu du txosten batean NDFk.
Europako hazkundea eta enplegua berriro jardunean jartzearen inguruan NDFk txostena argitaratu du eta bertan jaso ditu gomendioak.
Dokumentuaren arabera, lan konpentsazio nominala 6 puntu eta 4 puntu igo ziren hurrenez hurren 2008 eta 2009an, Europar Batasuneko gainerako herrialdeetan soldatak astiroago igo ziren bitartean. “Agente sozialekin lotutako akordioei esker, 2010 urtetik soldatak jaitsi egin dira, baina ez da nahikoa izan 2008-2009 urteetan metatutako aldeari aurre egiteko”, dio NDFk.
NDFren txotenak “kontingentzia planak” prestatzearen aldeko apustua ere egin du. Hala nola, negoziazio kolektiborako aukerazko sistema batean aurrera egitea.
Diru Funtsaren aburuz, Espainiako langabezia tasa altua ez da higiezinen burbuilaren ondorio soilik. “Soldaten zorroztasunaren, lan baldintzen malgutasun eskasaren eta lan merkatuaren dualismoaren ondorio da”, zehaztu du.
NDFk dioenez, Espainiako lan erreformaren arrakasta auzitegiek “interpretazio zorrotzak” ez egitearekin lotuta dago. Era berean, Espainiako Gobernuari aldi baterako kontratuen eta lan-kontratu finkoen harmonizazioaren arloan hobekuntzak egiteko eta lan-hitzarmenen luzapen automatikoarekin amaitzeko eskatu dio.
PSOEren eta UGTren kritikak
Nazioarteko Diru Funtsak egindako gomendioek kritikak ere jaso dituzte. Trinidad Jimenezek, PSOEren Gizarte Politika idazkariak, Espainia bisitatzeko gonbitea luzatu die NDFko arduradunei “Espainiako langileek dituzten soldatak jada Europako baxuenak direla bertatik bertara ikus dezaten”.
UGTk, bestalde, NDFk egindako proposamena “Espainiak behar duenaren guztiz aurkakoa” dela uste du. “Erosketa ahalmena handituko duten soldata eta prestazioak behar dira”, zehaztu du sindikatuak.
Albiste gehiago ekonomia
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
LAngileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.