Astilleros Muruetak Egalabur atunontzia uretaratu du Atunsarentzat
Astilleros Murueta ontziolak Egalabur atunontzi izozkailua uretaratu du gaur Erandioko instalazioetan. Bermeoko Atunsa konpainiarentzat egin du ontzia enpresa bizkaitarrak.
Ohorezko Aurreskuaren ondoren, Murueta ontziolako eta Atunsako presidenteek, Juan Manuel Aranak eta Joseba Zuluetak, hurrenez hurren, hitzaldi labur bat eskaini diete gonbidatuei.
Bertan izan dira, besteak beste, Julia Diaz de Corcuera Atunsako bazkidea, ontzia ohiko xanpain botilarekin bataiatu duena; Josu Erkoreka Eusko Jaurlaritzako Administrazio Publiko eta Justizia sailburua; Unai Rementeria Lehendakaritza diputatua; Ignacio Erice Gobernuko ordezkariordea; Asier Atutxa Bilboko Portuko lehendakaria; eta Jose Angel Corres Bilboko Komertzio Ganberako lehendakaria.
Murueta ontziolaren eta Atunsa konpainiaren arteko hartu-emanak 2004an hasi ziren. Erandioko enpresak Izurdia ontzia eraiki zuen Atunsarentzat. Egalabur Bermeoko konpainiak aktibo duen zazpigarren atunontzia izango da. 2013ko maiatzean hasi zen eraikuntza, eta uretaratu ostean, 2014ko uztailera arte jarraituko dute lanek.
91 metroko luzera du Egalaburrek, eta 2.200 m3-ko upel-edukiera. 18 korapiloko abiadurara heltzen da probetan.
Uretaratu ostean, portuan bertan jarraituko dute lanetan. 2014ko uztailean itsasoratzea espero da, eta orduan emango diote ontzia behin-betiko Atunsari.
Burdinezko estruktura amaituta du jada ontziak, eta barneko instalazio eta ekipo gehienak ere bai. Prestaketa eta armamentu lanak egingo dira orain, baita makinariaren eta ekipamenduaren instalazio osoa ere.
Atunsari eman baino lehen, itsasoan probak egingo dira, atunontziak nora erantzuten eta nabigatzen duen ikusi eta garbiketa lanei ekiteko.
CFTO konpainia frantziarrarekin bi atunontzi izozkailu egiteko kontratua sinatu ostean, Murueta ontziolak beste sei ontzi eraikitzeko eskaerak ditu (guztiak atunontzi izozkailuak), eta 2016 hasierara arte lana izango du.
"Garai berri bat" ontziolentzat
Arantza Tapia Garapen Ekonomiko eta Lehiakortasuneko sailburua Zumaiako Balentziaga ontziolan izan da, Playa de Ris atunontziaren uretaratzean. Bermeoko Pesquería Vasco Montañesa konpainiak erosi du ontzi berria.
Tapiak adierazi duenez, "garai berri bat" hasi da ontziolentzat, eta, sailburuaren iritziz, beharrezkoa da Europako Batzordeak eta Espainiako Gobernuak adostasuna lortze, "'tax lease' zaharraren kapitulua ixteko".
"Elkarrekin eseri eta lehen bai-lehen behin-betiko erantzuna" eman behar dutela adierazi du Tapiak. Haren ustez, "zaila" izango da: "Bruselarekin negoziatzea beti izaten da zaila, eta arlo ekonomikoa denean, are gehiago". Dena dela, "besterik ez" dagoela esan du: "Beste edozein arlotan bezala, eseri eta akordioa lortu arte ez da altxatu behar".
"Egon behar dugun lekuan gaude, Europak babesten gaitu, etorkizuna duen sektore garrantzitsua baita, baina kapitulua itxi behar da, etorkizunera baikortasunez begiratzeko", azpimarratu du Tapiak.
Albiste gehiago ekonomia
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.