2013 urtean enplegua sortu zen Euskadin
2013ko azken hiruhilekoari buruzko Euskadi Lan Txostenak enplegua sortu dela adierazi du, laugarren aldiz jarraian. Lana aurkitu zutenak galdu zutenak baino gehiago izan ziren. Hala ere, eta txostenak dioenez, “kontratu berrien behin-behinekotasuna eta partzialtasuna areagotu egin da”.
Gaur aurkeztu dute Bilbon txostena. Hiru hilabetetik behin prestatzen dute Euskal Herriko Unibertsitateko (UPV/EHU) ikertzaile talde batek. Halaber, langabetuek lan bila daramaten denbora ere nabarmen luzatu da.
Sara de la Rica Ekonomia katedradunak zuzendu du txostena. Azpimarratu duenez, “laugarren hiruhilekoz jarraian, Euskadin lana aurkitu zuten pertsonen kopurua galdu zutenena baino handiagoa izan zen”. “Hiruhileko honetan, lanpostu bat lortu eta galdu dutenen arteko aldea 4.000 pertsona baino gehiagoko izan da. Duela urtebete 18.000 pertsona inguruko galera izan zen”, zehaztu du.
“Joan den urteko azken hiru hilabeteetan, lanpostu bat lortu zuten pertsonak 45.900 izan ziren. Galdu zutenak, berriz, 41.600. Laugarren aldiz jarraian, enplegua sortu da”, esan du.
Euskadin lan egiteko prest dagoen populazioak gorakada handia izan du. Txostenaren arabera, lana duen populazioa zahartu egin da, baita kontratuen behin-behinekotasuna eta partzialtasuna areagotu ere. Halaber, langabetuek lan bila daramaten denbora ere nabarmen luzatu da.
Behin-behinekotasuna eta partzialtasuna
Txostenak lan-kontratu berrietan behin-behinekotasuna eta partzialtasuna hazi direla erakusten du. Horrek “prekarietate bikoitza” ekar lezake eta lan merkatuarentzako “albiste txarrenetako bat” izango litzateke.
“Giza kapitalaren sutapena bateraezina da aldi baterako enpleguarekin eta lan jardunaldi partzialekin; lan kualifikatuen aldeko apustua egin behar du Euskadik, ordainsari egokiak dituen enplegu egonkorrekin. Horrela ez bada, eskulan emankorrenen exodoa izango da”, dio txostenak.
Albiste gehiago ekonomia
Greba mugagabea Aguraingo eta Legasako Arcelor lantegietan uztailaren 1etik aurrera
Enplegu-erregulazioko espedientearen kontsultarako aldia bi aldeen adostasunik gabe amaitu zen. ELA sindikatuak salatu du EEE horren ondorioz, 33 langile kaleratu eta Legasako lantegia itxiko duela zuzendaritzak.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.
Hiru behargin hil dira lan-istripuz 24 orduan
LAB sindikatuak salatu duenez, bi langile hil dira basolanetan ari zirela, Altsasun (Nafarroa) eta Eskoriatzan (Gipuzkoa). Beste batek istripu ez traumatikoa izan du, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.
800 alegazio aurkeztu dituzte Mandoiako Feroskana parke eolikoaren aurka, Arratian
200 metroko altuera eta 27 megawtteko potentzia duten sei aerosorgailuz osatutako parke honek Usansolo, Igorre edo Lemoa bezalako udalerriei eragin diezaieke, baita herri txikiagoei ere.