Edesako langileek enpleguekin konpromisoa hartzeko eskatu diote MCCri
Bideragarritasun plana bultzatu zuten Edesako langileek (Bizkaiko lantegikoak) amaitutzat eman dute prozesua, MCCk planari ezezkoa eman ostean, eta enpleguekin 'zalantzarik gabe' konpromisoa hartzeko eskatu diote MCCri.
MCCk atzo, ostirala, jakinarazi zuen ez zuela bideragarritasun plana onartuko; Edesako langile talde batek egin zuen proiektua, Basauriko eta Bergarako lantegiak salbatzeko.
Bizkaiko plantako langile taldeak prentsaurreko batean esan duenez, "proiektua egiteko finantziazioa lortu ez denez, ibilbide hau amaitutzat ematea beste aukerarik ez dugu".
Beharginak txalo artean heldu dira prentsaurreko eman duten lekura. Nabarmendu dutenaren arabera, "erretiro adinetik gertu dauden langileak bereziki zaindu beharko dira".
Langileek gizarteak, bezeroek, hornitzaileek eta zenbait erakundek, esaterako Bizkaikoak eta Gipuzkoakoak, emandako babesa eskertu dute. Diputaziook diruz laguntzeko prestutasuna agertu zuten.
MCCk plana ezeztu arren, langileek baieztatu egin dute planak lehenengo urteetan errentagarritasun nahikoa "bermatzen" zuela eta, horrela, "etorkizunerako oinarri sendo bat ahalbidetuko" luke.
Euren iritzian, "ezinezkoa da zalantzarik gabeko proiektu bat aurkeztea, are gutxiago egungo egoera" ekonomikoan.
'Esperantza faltsurik ez'
Arantza Tapia Ekonomia Garapenerako eta Lehiakortasunerako sailburuaren esanetan, "esperantza faltsuak ez emateko garaia da", MCCk Edesako langileek aurkeztutako bideragarritasun planari emandako ezezkoaren inguruan.
Edesako "langileak eta MMC elkarrekin lanean" izan direla nabarmendu ostean, "errespetu osoa" adierazi nahi izan du prozesuaren inguruan. "Nahiz eta presioak izan, erabakiak zuhurtasunez, zorroztasunez baina tentuz eta lasai hartu dituzte", gaineratu du, Euskadi Irratian egindako elkarrizketa batean.
Halaber, Tapiaren esanetan, bideragarritasun "plana aurreplan bat zen, hainbat gauza zalantzan zeuden. Patenteak, markak... zelan kudeatu ez zegoen argi, zenbait gauza zehaztu gabe zegoen".
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.