Manifestazioan parte hartzeko deia egin dute sindikatuek
CC.OO., UGT eta USO sindikatuek biharko deitu duten manifestazioan parte hartzeko deia egin dute. Bilbon etzi hastekoa den foro ekonomikoaren kontrako protesta deitu dute igande honetarako hiru sindikatuok.
Guggenheimen izango da nazioarteko goi-bilera ekonomikoa. Mundu osoko agintariak eta adituak batuko dira Bizkaiko hiriburuan. Hain zuzen, museoaren atarian bertan egin dute agerraldia gaur sindikatuetako ordezkariek. "Beste Europa bat posible da, bizkortze ekonomikoa eta enpleguaren sorrera lehentasunak izango diren Europa bat", esan dute.
Unai Sordo CC.OO. Sindikatuko idazkari nagusiak esan duenez, biharko manifestazioa "historikoa" izango da, Sindikatuen Europako Konfederazioak lehen aldiz hartuko baitu parte Euskal Herriko manifestazio batean. Besteak beste, Jozef Niemiec Konfederazioko burua izango da martxan. "Europako erakunde sozial handiena da, 60 milioi afiliatu ditu, Europako 35 herrialde ordezkatzen ditu", esan du. "Murrizketa politiken" kontrako protesta izango dela gaineratu du Sordok, politika horiek "txirotzea" dakartelako eta babes sozialerako ereduak zalantzan jartzen dituztelako.
Jaso dituzten babesak azpimarratu ditu CC.OO.ko kideak. Besteak beste, Alemaniako DGB sindikatua, Italiako CGIL, Frantziako GGT eta Portugalgo CGP nabarmendu ditu. Euskal Herriko erakunde ugarik ere manifestazioarekin bat egin duela gaineratu du.
Raul Arza UGTko bozeramaileak ere gogor kritikatu du asteleheneko goi-bilera, "miseria eta langabezia sortzen dituzten politikak" bultzatuko dituztelako foro horretan. "Beste Europa bat posible da, bizkortze ekonomikoa eta enpleguaren sorrera lehentasunak izango diren Europa bat", esan du.
Eusko Jaurlaritzari, Espainiako Gobernuari eta Troikari zuzendu die mezua Arzak, sindikatuak egungo politikekin ados ez daudela esateko eta ongizatean oinarritutako ereduak bultza ditzatela eskatzeko.
Margarita Iza USOko ordezkariak ere bide beretik egin ditu adierazpenak. Bilbon ez ezik, Madrilen, Lisboan eta Parisen ere goi-bileraren kontrako mobilizazioak egingo dituztela esan du.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.