La Navaleko langileek mobilizazioekin jarraituko dute
Sestaoko La Naval ontziolako langileek mobilizazioak egiten jarraituko dute datorren astean, lan-karga eskatzeko. Barku berri baten enkargua lortzeko "itxaropentsu" badaude ere, euren enplegua defendatzeko borrokan segituko dute.
Jose Pedro Gonzalez La Navaleko enpresa batzordeko presidenteak azaldu duenez, Herbehereetako enpresa batekin ontzi berri bat egiteko enkargua ixteko aukera dagoela adierazi zion zuzendaritzak enpresa batzordeari. "Langileak itxaropentsu gaude, baina beste zenbaitetan antzeko egoera baten aurrean, enkargua ezerezean gelditu da", gaineratu du.
Astearteko bileran, Herbehereetako enpresa horrekin enkargua ixteko baikor agertu zen zuzendaritza. La Navaleko arduradunek lanean jarraitzen dute, baina oraindik hainbat kontu gelditzen dira adosteko kontratua ixteko. Gonzalezen esanetan, "arazo teknikoak dira; izan ere, oraingoan finantza arazoak konponduta daudela uste dugu".
La Naval ontziolako langileek kontzentrazioa egin dute goizean Bilboko Itsas Museoaren aurrean, Euskalduna Jauregitik gertu; hain zuzen ere, antzina Euskalduna ontziola zegoen tokian eraiki zuten Euskalduna Jauregia.
"Toki sinbolikoa da, hainbat urtean ontziak egin zituztelako", gogoratu du langileen ordezkariak. Horren esanetan, ez dute nahi La Naval ere Itsas Museo bihurtzerik. "La Navalek etorkizuna du eta, antzina gertatu bezala, Ezkerraldean enplegua sortu behar du, eta horretarako lan-karga behar dugu", gaineratu du.
Enpresa batzordeak bilera egingo du bihar eta datorren asterako mobilizazio berriak deituko dituzte.
Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.