Honelakoa izango da 2015. urteko lan egutegia, Euskadin
Eusko Jaurlaritzak 2015. urteko lan egutegi ofiziala onartu du astearte honetan. Orotara, 12 jaiegun ezarri ditu Gobernuak, baina horiei udalek ezarriko dituzten beste bi gaineratu behar zaizkie.
Josu Erkoreka Jaurlaritzako bozeramaileak azaldu duenez, hauek izango dira 2015eko jaiegunak:
- Urtarrilak 1, Urteberri Eguna
- Urtarrilak 6, Jaunaren Agerkundea
- Martxoak 19, San Jose
- Apirilak 2, 3 eta 6, Aste Santua
- Maiatzak 1, Langileen Eguna
- Uztailak 25, Santiago Apostolua
- Abuztuak 15, Andre Mariaren Igokundea
- Urriak 12, Espainiaren Egun Nazionala
- Abenduak 8, Sortzez Garbia
- Abenduak 25, Eguberri Eguna
Dena dela, Erkorekak gogorarazi duenez, udalek beste bi jaiegun ezarri behar dituzte.
Ez da "Euskadiren Eguna" ospatuko
Urriaren 25eko jaieguna baliogabetu eta gero (PSE-EEren Jaurlaritzak "Euskadiren Eguna" izendatu zuen, baina EAJrenak kendu egin du), Exekutiboak ez duela data alternatiborik bilatuko aurreratu du.
Horren ildotik, jaiegun horren ordezko bat ezartzeko Legebiltzarrean "adostasun zabala" beharko litzatekeela esan du Erkorekak. Nolanahi ere, Jaurlaritzak ez duela akordio hori bilatzeko "jarrera aktiborik" izango gaineratu du.
Zure interesekoa izan daiteke
Satlantisek Lurra behatzeko bere bosgarren satelitea bidali du espaziora
Vandenbergeko (Kalifornia, AEB) Espazio Gunetik egin dute bidalketa, Euskal Herrian 13:07ak zirenean. Bizkaiko enpresak garatutako bereizmen handiko bi kamera daramatza sateliteak.
CAFek 300 milioitik gorako kontratua eskuratu du Serbian eta 30 tren egingo ditu Belgraderako
Unitateak eraikitzeaz gainera, lehen bi urteetako mantentze-lanak ere bere gain hartuko ditu. Serbian lortzen duen bigarren kontratua da honakoa.
Ekipaje zerbitzuko langileen greba 90 minuturainoko atzerapenak eragiten ari da Bilboko Aireportuan
Maletak eramateaz eta aireportuetako beste zerbitzu batzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
ELAk helegitea aurkeztuko du Tubos Reunidosen erregulazio txostenaren aurka, eta altzairutegiko eta logistika eremuko mantentze-lanei eustea eskatu du
Zentral abertzaleak zalantzan jarri ditu joan den ostiralean enpresak argitaratutako 2025eko emaitzak, "2024koa baino fakturazio nabarmen handiagoa erregistratu arren, aitortutako galerak hasieran jakinarazitakoak baino handiagoak direlako". ELAk adierazi duenez, "litekeena da zuzendaritzak kontabilitate ingeniaritza modu interesatuan erabili izana", eta zalantzan jarri du haren sinesgarritasuna.
Jaurlaritzaren arabera, EAEko ekonomia % 1,9 haziko da 2026an, aurreikusi bezala
Mikel Torres Eusko Jaurlaritzako Ekonomia, Lan eta Enplegu sailburuak esab duenez, "egoera kezkatzeko modukoa da, baina ez gaitezen alarmismoan erori; konfia dezagun".
Sevillako aire-kontrolatzaileek ohartarazi dute greba egitekotan direla, eta horrek Errege Kopako finalari eragingo lioke
Aireportuko, hiri osoko eta inguruko aire-trafiko guztia kontrolatzen duten langileak dira.
Itziar Agirre: "20.000 eurotik beherako lan-errentak dituztenek aitorpena egiteko obligaziorik ez badute ere, kasu batzuetan komenigarri izan daiteke, kenkariak direla eta"
Gipuzkoako Ogasun Diputatuak azaldu duenez, zerga-erreformaren ondotik badaude Aldundiak eskura ez dituen datuak, zenbait kasutan kenkari edo hobari gisa apligarri izan litezkeenak, zaintza, etxebizitza eta BGAEekin lotutakoak. Horregatik, autolikidazio proposamenak patxadaz begiratzeko gomendioa egin du Gipuzkoako Aldundiak, apligarri izan daitezkeen kenkari eta hobariak dauden egiaztatzeko.
Abian da Errentaren kanpaina Gipuzkoan: autolikidazioa kontsultagai dago
Gipuzkoan, apirilaren 7tik aurrera onartu ahal izango dira proposamenak. Araban eta Nafarroan datorren astean hasiko da kanpaina, eta Bizkaian, berriz, apirilaren 15ean.
Argindarrik gabe geratu dira lehen orduan Mercabilbaon
Erosketa gehienak elektrizitate barik egin behar izan dituzte Basauriko logistika gunean, astelehen honetako lehen orduan. Dirudienez, barazkien 3. pabilioian gorabehera bat izan da argindar azpiegiturarekin. 07:00ak aldera itzuli da argia, pabilioi horretara izan ezik.
Iñigo Ucin izango da Ayesa Digitalen presidente ez exekutibo berria
Erantzukizun hori hartuko du Ibermatica zena Euskadira itzultzen denean hasiko den etapa berrian. Ibermatica astearte honetan sartuko da ofizialki Ayesa Digitalen.