'Zorroztasunak porrot egin duenez, politika aldaketa behar dugu'
Ignacio Fernandez Toxo eta Candido Mendez CCOO eta UGTko idazkari nagusiek politika ekonomikoaren premiazko aldaketa eskatu dute, "zorroztasun neurriek izandako porrota ikusita, enplegu egonkorra bermatzeko eta barne eskaria suspertzeko soldaten igoera izateko".
Horrela mintzatu dira Mendez eta Toxo Maiatzaren Lehenaren martxan parte hartu aurretik Bilboko CCOOko egoitzan izandako prentsaurrekoan. "Kalitatezko enplegurik gabe ez dago susperraldirik. Kohesio sozial gehiago, demokrazia sendoagoa" lelopean egingo dute manifestazioa.
Hitzaldiak
Ignacio Fernandez Toxo eta Candido Mendez CCOOko eta UGTko idazkari nagusiek hitzaldia eskaini dute Maiatzaren Lehenaren harira Bilbon egindako manifestazioaren ostean. Horren aburuz, "Espainiako langabezia-tasa jaisten ez den bitartean, susperraldi ekonomikoarena Gobernuaren propaganda-operazioa da".
"Susperraldiaren abestia mantentzen dutenak" salatu ditu Toxok, "krisia atzean utzi dugula esatera ausartu dira". "Nola hitz egin dezakegu susperraldiaz, jendea kaleratzen jarraitzen dutenean?", galdetu dio Toxok bere buruari. "Susperraldia propaganda-operazio erraldoia da, Gobernuan dauden alderdien hauteskunde-itxaropenak hobetzeko asmoz", ondorioztatu du.
Izan ere, Toxoren ustez, Europako hauteskundeen ostean, "zorroztasunera itzuliko gara, adi laster datorren erreforma fiskala". Hori dela eta, "Maiatzaren Lehenan zera esatera gatoz: kalitatezko enplegurik gabe, ez dago susperraldirik. Susperraldiari buruz hitz egiten hasiko gara behin langabezia tasak murriztuta".
Murrizketak eskatu
UGTko buruak azaldu duenez, asteazken honetan bildu ziren Mariano Rajoyrekin Moncloako jauregian. "Berak sustatutako ereduak enplegurik gabeko susperraldi ekonomikoa dakarrela esan genion Rajoyri", azaldu du, "Europako hegoaldeko herriak kaltetuko dituena".
Halaber, etengabe murrizketak eskatzen dituen enpresariak salatu ditu, "legeak zehazten duen gutxieneko soldata baino txikiagoa proposatu dutelako".
Euskal lurraldeen CCOO eta UGTko afiliatuak Bilbora etorri dira Maiatzaren Lehenaren harira bertan izandako manifestazioan parte hartzeko. Jendetza bildu da Bilboko kaleetan, "Kalitatezko enplegurik gabe, ez dago susperraldirik; Kohesio sozial handiagoa, demokrazia sendoagoa izateko" lelopean.
Martxaren buruan Unai Sordo CCOOko Euskadiko idazkari nagusia eta Raul Arza UGTko Euskadiko idazkari nagusia izan dira. Manifestazioa Areatza Plazan bukatu dute, CCOO eta UGTko buruek hitzaldia eskaini ostean.
Krisi instituzionala
Martxa hasi aurretik komunikabideen aurrean eskainitako hitzaldian Toxok esan duenez, aste honetan jakitera eman dituzten langabezia tasak (% 25,93koa) agerian utzi du aurreikuspen ekonomikoak oraindik ezkorrak direla.
"Ez dugu krisia atzean utzi. Ia sei milioi lagun ditugu enplegu barik eta epe motzean lanposturen bat lortzeko itxaropenik gabe", azpimarratu du. Hori dela eta, politika fiskal berria sustatzea, inbertsio publiko eta pribatua handitzea eta barne merkatua dinamizatzeko soldatak igotzea eskatu dute, "kanpoko sektoreak bakarrik ez gaituelako krisitik aterako".
Ezegonkortasun ekonomikoa alde batera utzita, Toxok adierazi duenez, "Espainiak krisi instituzionala ere bizi du, 1978ko eredu konstituzionala agortzera doala ematen du, eta ez bakarrik Kataluniaren harira".
Zentzu berean mintzatu da Mendez. Horren ustez, "soldatek erosteko ahalmen handiagoa izan behar dute". Halaber, diru-laguntzarik gabe eta urte asko langabezian daramatenen egoera konpontzea lehentasunezko auzia dela azpimarratu du.
Pobrezia areagotzea
Toxok ondorioztatu duenez, "politikak, eta ez ekonomiak, hartu behar du gizartearen gidaritza, eskuinak badakielako nora doan bidea, baina Europako ezkerrak, ordea, paradigma berria behar du, lanarako eskubidea merkatu-zuzenbidearen gainean inposatzeko".
Halaber, UGTko buruak atzo Gobernuak aurkeztutako aurreikuspen makroekonomikoak aipatu ditu. "Zenbakiak ideia batean laburtu ditzakegu: defizitari eusteari, gainerakoa ez da estrategikoa".
"Susperraldi ekonomikoa langabeziaren konponketaren zerbitzura egongo da, ala ordain-hartzaileen zerbitzura?", galdetu dio bere buruari, "helburua zorra ordaintzea bada, horrek pobrezia areagotuko du".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.