Gaur jakinaraziko dituzte EBrako aurreikuspen ekonomikoak
Astelehen honetan jakinaraziko ditu Europako Batzordeak Europar Batasunerako dituen aurreikuspen ekonomiko berriak, herrialdeek beraiek euren kalkuluak helarazi ostean. Eurotaldeak Espainiako Gobernuaren ahalegin erreformistak eta Estatuko ekonomiaren zantzu positiboak goraipatu ditu, baina euroguneko iturriek esan dutenez, "ardura" beharko da "zorraren eta langabeziaren maila altuak murrizteko".
Aurreikuspen horiek (apurka-apurka ekonomiak suspertzen ari dira, baina oraindik erreformak eta egokitzeak indarrean daude) ondorengo urteei begirako koadro makroekonomikoak prestatzeko oinarria izango dira, egonkortasuneko edo bateratasuneko programak aztertzeko. Horrekin batera, EBk hurrengo urteetarako planak ere baloratuko ditu; horrela herrialde bakoitzari ekainaren 2an aurkeztuko dizkion gomendioak ere prestatuko ditu, eta Eurotaldeak eta Ecofinek balioztatu beharko dituzte ondoren.
Otsailean bezain zuhur
Adituek uste dute EBk otsailean bezain zuhur jokatuko duela; une hartan, eurogunerako eta Europar Batasunerako 2014rako eta 2015erako zituen aurreikuspenak goranzkoan berrikusi zituen, baina bakarrik hamarren batean (% 1,2ko BPGa Hamazortzietan, eta % 1,5ekoa eta % 2,0koa Hogeita Zortzietan).
Adierazle berriak astelehenean bertan aztertuko dituzte euroguneko Ekonomia ministroek, eta, besteak beste, Frantziako eta Espainiako ekonomiaz arduratuko dira; Frantziakoaz, ministro berria lehen aldiz egongo baita bertan, eta Espainiakoaz, banku-erreskatearen osteko lehen gainbegiratzea izango baita.
Bruselaren aurreikuspenek beste arlo bat islatuko dute: Espainiako Gobernuak iragarritako langabeziaren murrizketa posibletzat jotzen duten. 2014an eta 2015ean 600.000 langile berri izango omen ditu Estatuak, aurreikuspen horien arabera; hortaz, langabezia % 24,9koa izango da 2014an eta % 23,3koa 2015ean; 2017ra arte ez da jaitsiko % 20tik.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.