Ikertutako enpresa Euskadiko AHTren lau tarte eraikitzen ari da
Corsan Corviam enpresa ikertzen ari dira Bartzelonan, diru publikoak ustez bidegabe erabiltzeagatik. Konpainia Abiadura Handiko Trenaren (AHT) eraikuntza lanetan parte hartzen ari da, Euskadiko lau tartetan.
Konpainiako bederatzi zuzendari eta Adifeko funtzionarioak atxilotu ditu Guardia Zibilak. Ustez Madril-Bartzelona AVEko tartearen lanetan neurriak aldatu zituzten salneurria puzteko eta legez kanpo 6 milioi euro irabazteko.
Isolux Corsan taldeko enpresak Justiziari "bere kolaborazio osoa" eskaini dio. Corsan EAEko tartea eraikitzeko lanetan parte hartzen ari da.
Bi tarte Gipuzkoan
Euskal 'Y'-ren bi tarte Gipuzkoan daude. Eusko Jaurlaritzak Espainiako Gobernuaren eskuetan utzi du bertako lanak aurrera emateko erantzukizuna.
Konkretuki, Tolosa-Hernialde eta Zizurkil-Andoain tarteak dira, Ingurumen Saileko iturriek baieztatu dutenez.
Tolosa-Hernialde tartearen lanak 2011n hasi ziren. Ibilbideak 3,8 kilometro ditu, gehienak tunelean, eta lau zubi egin behar dituzte.
Corsan aldi baterako enpresa-elkarte batean barneraturik obretan parte hartzen ari da. Tartea egiteko ardura 104,7 milioiren truke eman zioten erakundeek, baina 2013an Eusko Jaurlaritzak aurrekontua % 8,62 handitu zuen "zerga berriak, BEZren igoera eta baso-mozketak, harresiak, betetzeak eta landaketak zirela eta", Gasteizko Exekutiboak bere garaian jakinarazi zuenez.
Era berean, Zizurkil-Andoain tartean aldi baterako enpresa-elkartearen bidez parte hartzen ari da. Lanek 180 milioiko aurrekontua dute eta tarteak 4,9 kilometroko luzera du. Ibilbide ia osoa tunelean egin behar dute.
Beste bi tarte Bizkaian
Bestalde, lanak zuzenean Sustapen Ministerioak kudeatzen ditu Bizkaian. Zornotza-Lemoa tarteak 3,45 kilometroko luzera du eta 2007an esleitu zuen Espainiako Gobernuak. 45 milioiko aurrekontua du.
Azkenik, Elorrio-Atxondo tarteak 2,6 kilometroko luzera izango du, gehienak hiru zubitan banatuta. Obrak 2011n esleitu zituzten eta 45,78 milioiko aurrekontua dute. Corsan lanetan parte hartzen ari da, aldi baterako enpresa-elkartean.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".