Kutxabank pribatizatzea 'herritarrei lapurtzea' dela salatu dute
Milaka pertsona bildu dira Bilbon "Kutxabankek pribatizazio prozesuaren" kontra egiteko, "herritarrei lapurreta egitea" dela argudiatuta, eta "espekulazio gehiago egon eta herriarekiko eta gizartearekiko konpromiso soziala murriztea" saihesteko.
Manifestazioa 17:30ean hasi da Jesusen Bihotzean, ELA, LAB, ESK, STEE-EILAS, Hiru eta CNT sindikatuek eta Berri-Otxoak, Bilboko Auzo Elkarteen Federazioa, Coordinadora ONGD Euskadi, Denok Lan, Euskal Herriko Pentsionisten Plataformak, Ezker Gogoa koletiboek eta kontsumitzaileen zenbait elkartek deituta, besteak beste.
Antolatzaileen arabera, 5.000 pertsona inguru izan dira manifestazioan, tartean, Pello Urizar, Rebeka Ubera eta Oskar Matute EH Bilduko legebiltzarkideak. Manifestariek pribatizazioaren aurkako eta euskal finantza sistema publiko baten aldeko oihuak egin dituzte.
Bukaeran, ELA eta LAB sindikatuetako ordezkariek adierazpen bat irakurri dute. EAJri, PPri eta PSEri "Kutxabanken kapital pribatua sartzeari bidea ematea" egotzi diete, eta hiru alderdi horiek "pribatizazioaren alde" daudela salatu dute "botere ekonomikoaren mende daudelako".
"Esparru publikoan negozioa egiteko lanean ari dira. Osasunaren alorrean, hezkuntzan eta gizarte zerbitzuetan gertatzen ari da, baita finantza sisteman ere", esan du.
"Faltsukeria, manipulazioa eta gezurra"
Manifestazioaren hasieran, 'Txiki' Muñoz ELAko idazkari nagusiak "pribatizazio prozesuan" ematen ari den "faltsukeria, manipulazioa eta gezurra" salatu ditu.
"150 urtetan kontrol publikoa izan duen ondarea kapital pribatuaren eskuetan jarri nahi dute", ohartarazi du, "EAJk, PPk eta PSEk prozesu osoa adostu dutela eta zatikatzen ari direla" gaineratuta.
"Espekulatzaileei oparia"
Bestalde, Ainhoa Etxaide LABeko idazkari nagusiak "aurrezki kutxen eta herriaren eredu ekonomikoaren inguruko eztabaida" lapurtzen saiatzen ari direla adierazi du.
"EAJk gure aurrezkiak kudeatzeko ahalmena espekulatzaileei eman nahi die, eta euskal sistema produktiboaren zerbitzura jarri nahi du". Hori dela eta, "prozesua gelditzeko" eskatu die jeltzaleei.
Albiste gehiago ekonomia
Sidenor eta Legazpiko Udala zigortu dituzte langile bati amiantoagatik kalte-ordaina ematera
EAEko Auzitegi Nagusiak atzera bota ditu enpresaren eta Udalaren helegiteak, eta berretsi egin du 376.305 euroko zigorra amiantoaren eraginpean egoteagatik.
BSHko langileek babesa eman diote zuzendaritzak eta gehiengo sindikalak lortutako akordioari, aldeko 475 bozkekin
Langileen % 78k bat egin du aurreko ostegunean UGT, CCOO, ATISS eta Solidari sindikatuetako ordezkariek adostu zuten aurreakordiorekin. Horren arabera, 609 lagun kaleratuko dituzte kalteordainekin eta lantegia itxiko dute.
Euskadiko Parke Teknologikoaren etorkizuneko campusa eraikitzen hasi dira Zorrotzaurren: Idom, Mondragon eta abangoardiako enpresak hartuko ditu
Aurreneko eraikina Tarabusi pabiloi zaharraren kokalekuan egongo da, Galletaginen etorbidean. Bilboko Campusean teknologikoki aurreratuak diren hainbat enpresa ezartzea aurreikusten da.
Parte-hartze zabala BSHn, lan-erregulazioko espedientearen aurreakordioaren inguruko bozketan
Eguerdiko 13:00etarako langileen % 80k eman du bozka. Enpresa batzordearen gehiengoak, ELAk eta LABek izan ezik, joan zen asteazkenean lortu zuen aurreakordioa zuzendaritzarekin, eta, horren arabera, lantegia itxi eta 609 pertsona kaleratuko dituzte, 655 izan beharrean.
Arabako Ogasunak 181 milioi euro itzuli ditu errentaren kanpainan
Guztira, 200.457 aitorpen egin dira, aurreko ekitaldian baino % 3 gehiago. Datu hori "Arabako ekonomiaren martxa onaren sintoma" da Itziar Gonzalo Ogasun diputatuaren arabera.
Euskadiko hotel-ostatuek duela urtebete baino ia % 10 bidaiari gehiago izan dituzte ekainean
Arlo guztietan gora egin dute ekaineko turismo datuek Euskadin; izan ere, hoteletako gelaren bataz besteko prezioa % 8 garestiago izan da, 138 eurokoa, eta gelen okupazioa, % ia 80koa, % 3 pasatxo altuagoa. Lurraldeka, Gipuzkoan izan du bidaiari-sarrera gorakada handiena, % 11,30, baina hiriburuen artean Bilbon hazi da gehien.
Bizkaiko autoeskoletako langileek hirugarren greba egunari ekin diote
Goizeko 08:30ean manifestazioa abiatu dute Bilboko Casilda Iturrizar Parketik Bizkaiko autoeskoletako irakasleek. Zazpi hilabete daramatzate sindikatuek patronalarekin negoziatzen, baina hainbat bilera egin eta gero, ez dute akordiorik lortu. Hirugarren greba eguna dute gaur, lan hitzarmena berritzea eskatzeko.
Hirugarren greba eguna izango dute Bizkaiko autoeskolek astelehen honetan, azken bilerak porrot egin eta gero
ELA eta CC.OO. sindikatuek hiru greba egun deitu zituzten uztailerako eta partehartze handia izan dute aurreko biek. Aurreko astean, uztailaren 15ean, bildu ziren APAVI patronalarekin baina ez zuten akordiorik erdietsi. Gauzak honela, irailaren 2an izango dute hurrengo bilera.
'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.