Urkullu: 'Kutxabankek bertokotasunari eta lan sozialari eutsiko dio'
Iñigo Urkullu lehendakariaren hitzetan, Kutxabanken etekinak "gizarte-lanera" bideratzen jarraituko dira eta etorkizunean ere bankuak "bertokotasuna" mantenduko du.
Youtube bidez egindako elkarrizketan, hainbat erabiltzailek sare sozialetan egindako galderak erantzun ditu lehendakariak.
Kutxabanken etorkizunari buruz, egitasmo "pribatua" dela azpimarratu du Urkulluk eta "jabeak" aurrezki kutxak direla nabarmendu du. "Ziur naiz bere etekinak gizarte lanera bideratuko dituela, eta bertokotasuna mantenduko duela", adierazi du.
Bankuak biziko duen prozesuari buruz, Urkullu azpimarratu "legedi bat" badagoela eta "bete egin behar dela".
Bestalde, zerbitzu publikoak pribatizatzearekin ez dagoela ados adierazi du. Gogoratu duenez, bai Osakidetzan eta baita Ertzaintzan ere Lan Eskaintza Publikoak ireki ditu Jaurlaritzak.
Izan ere, Osakidetzako eskaintzari buruz esan du Jaurlaritzak 2011an ezarri zituen irizpideei eutsi egingo diela, irailean prozedura bukatzen den arte.
Felipe VI.aren koroatzea
Bestalde, Felipe Vi.a errege berriaren koroatzera "adeitasunagatik, eta ez ohore egiteko" joango dela nabarmendu du. Urkulluren helburu nagusia errege berriari Estatu eredu berri bat aldarrikatzea izango dela azpimarratu du.
"Euskal herritar guztien lehendakaria" eta ordezkari instituzional moduan joango da Urkullu Estatu buru berriaren koroatze ekitaldira.
Bakegintza
Bakegintzaz galdetuta, "aurrera egiten ari garela" erantzun du lehendakariak. "Bide hau luzea da, oztopoz beterikoa".
"Ahalegin bat behar du, eta helburua zein den argi izatea: bakean bizitzea, baina elkarbizitzarako lan eginez. Eta, beranduago baino lasterrago, lortu ahal izatea espero dut", adierazi du.
Fracking-a eta Garoña
Frackinga Euskadira iritsiko den galdetuta, Urkulluk esan du Jaurlaritzaren Ingurumen politika "oso zorrotza" dela eta Gobernuak ez duela baimenik emango legedi hori betetzen ez duten egitasmoak egiteko.
Garoñari buruz, zentral horretako "bizitza-zikloa" erabat "agortuta" dagoela berretsi du lehendakariak.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Erabaki horrekin beteko dira Denis Itxaso eta María Jesús San José Etxebizitzako eta Justiziako sailburuek iragan otsailean jakitera eman zituzten epeak, 2026ko maiatza eta ekaina bitartean kartzela berria irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.