EAJk itxaropenez hartu du Fagorren albistea, baina zuhurtzia eskatu du
Itxaso Atutxa EAJren Bizkaia Buru Batzarreko (BBB) presidenteak azaldu duenez, jeltzaleek "itxaropenez" hartu dute Catak Fagor Etxetresnak erosi izanaren albistea, baina "zuhurtziaz eta lasaitasunez" jokatzeko deia egin du, izan ere, Kataluniako enpresak emandako "epeak oso motzak dira".
Euskadi Irratiari eskainitako elkarrizketan, Basauriko Edesa lantegiaren etorkizunarekin kezkatuta agertu da. Horren esanetan, Pedro Malagon Donostiako Merkataritzako arloko epaileak ateratako autoan "ez da argi gelditzen" Cata enpresak zer egingo duen Basauriko lantegiarekin eta enpresak berak ere "ez du kontua argitu".
"Itxaron, eta zuhurtziaz eta arduraz jokatu behar dugu, ezarritako epeak oso laburrak dira eta. Irailean hasi eta urrian ekoizten hastea da asmoa, baina ia abuztuan gaude. Ez dut uste horrelako egitasmo bat aurrera ateratzea erraza izango denik, aldaketa handia egin behar baita. Zenbat eta lasaitasun gehiagorekin eta planifikazio hobearekin egin, epe luzera ziurrenera segurtasun gehiago emango du", azaldu du.
Dena den, Fagorren erosketaren albistea "esperantzaz" hartu duela azpimarratu du. Orain, "Bizkaiko ikuspuntutik", Basauriko Edesa lantegiak kezkatzen du gehien Itxaso Atutxa.
Cevital enpresa aljeriarrak Fagor Etxetresnak erosteko egin zuen eskaintzan, Ecomac enpresa txiletarrarekin Edesan dirua inbertitzeko akordioa agertzen zen. "Catarekin zalantzak ditugu, izan ere, autoan ez dago ezer argi eta ez dakigu zer gertatuko den. Gainera, Cata berak ere ez du ezer argitu eta ikusiko dugu ea datozen asteetan auzia argitzen den", nabarmendu du.
Rajoy-Urkullu bilera
Atutxak "tamalgarritzat" jo du Mariano Rajoy Espainiako presidenteak Iñigo Urkullu lehendakariarekin bilerarik ez egitea "aspaldidanik". EAJren EBBko presidentearen iritziz, gai asko dituzte jorratzeko eta, hori dela eta, "ardura politikoagatik" Rajoyk Urkullurekin "lehenbailehen" bilera egin beharko lukeela adierazi du.
Arantza Quiroga Euskadiko popularren buruzagiak adierazi du ez duela uste epe motzean Rajoyk Urkullurekin bilera egingo duenik. Quirogari erantzunez Atutxak azaldu du "errespetu guztiarekin" hobe izango dela Mariano Rajoyri galdetzea, izan ere, "Quirogak bilera amaitutakoan izaten du haren berri".
Erabakitzeko eskubideaz eta Euskadiren etorkizunaz gain, Rajoyk eta Urkulluk elkarrekin jorratu beharreko hainbat gai daude Atutxaren arabera. Dena den, ez daki zein egunetan elkartuko diren Rajoy eta Urkullu eta hori "tamalgarria" da Atutxaren iritziz.
"Espainiako presidenteak ezin du hainbeste denboran lehendakariarekin elkartu gabe egon, batez ere, jorratu beharreko hainbat gai mahai gainean daudenean. Gai horietako asko Espainiako Gobernuak bete egin behar ditu eta ez du egiten. Beraz, nik uste dut ardura politikoagatik Rajoyk lehenbailehen egin beharko liokeela hitzordua lehendakariari", nabarmendu du.
Albiste gehiago ekonomia
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.
Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Azazetan auto istripuan hildako gidaria etxez etxeko laguntzaile lanetan ari zen
LAB sindikatuak lan-istriputzat jo du ezbeharra, eta etxez etxeko laguntzaren sektoreko baldintza prekarioak salatu ditu.
Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
LAB sindikatuak soldatak duintzea du urte honetarako lehentasunetako bat
Salatu du ziurgabetasun ekonomikoa aitzakia gisa erabiltzen ari dela lan-baldintzak prekarizatzeko. Horregatik, iragarri du bere helburua izango dela soldatak KPItik gora igotzea negoziatzea eta, batez ere, gutxieneko soldata propioa sortzea.