Espainiak Ibexeko enpresak ikertuko ditu, 'ezkutuko txartelen' harira
Espainiako Ogasun Ministerioak Ibex 35eko enpresak ikertuko ditu, ezkutuko kreditu-txartelak erabili dituzten zehazteko. Caja Madrideko zuzendaritzako 86 kidek 15 milioi euro gastatu zituzten 2003. eta 2012. urteen artean, ‘b’ txartelak erabilita.
Murgildutako ekonomiaren bitartez gastuak egiten dituzten ikertuko du Ogasunak. Hala ere, Ministerioak esan du ustezko delitu horrek ez duela zerikusirik enpresa handi bateko zuzendaritzako kideen kreditu-txartelekin, beti ere, gastu horiek deklaratu egiten dituzten bitartean.
Bankiako kreditu txartelen aferak hiru dimisio ekarri ditu gaur, PSOE, UGT eta Comisiones Obreraseko hiru kiderenak, hain zuzen ere.
Caja Madrideko kontseilariek justifikatu gabe gastatutako 15 milioi euroen afera dagoeneko Auzitegi Nazionalean dago, baina kongresuan ere ikertzea eskatu du IUk.
Aste honetan zabaldu da Miguel Blesa Caja Madrideko presidente izan zen garaian kontrol gabeko 83 kreditu txartel zeudela, administrazio kontseiluko eta zuzendaritzako kideren esku. Guztira, justifikatu gabeko 15 milioi euro gastatu zituzten txartel horiek erabilita.
Egunean zehar, PSOEko Madrileko Exekutibako bokal bat, UGT sindikatuko Madrilgo idazkari nagusia eta CCOOko exekutibako kideek dimisioa eman dute, euren alderdi eta sindikatuetako zuzendaritzak behartuta.
PSOEk espedientea ireki die hamabost militanteri Caja Madrideko txartela beltzen erabileraren bitartez deliturik egin ote zuten ezagutzeko.
Espedienteari itxoin gabe, Angel Gomez del Pulgarrek, alderdiko Madrileko exekutibako kideak kargua utzi du.
Gauza bera egin du UGT sindikatuaren Madrileko idazkari nagusiak, José Ricardo Martínezek. Ardura etikoagatik dimititu duela esan du sindikatuaren liderrak, baina epaileek argitu beharko dutela deliturik egon ote den.
Eta zerrendarekin jarraituz, CCOOek ere iragarri du Rodolfo Benito kideak kargua utzi duela. CCOOko buruzagiak asteburuan bilduko dira gaia aztertzeko.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".