Bizkaibuseko 14 autobusen gurpilak zulatu dituzte Abanton
Bizkaibuseko 14 autobus gurpilak zulatuta edota hustuta agertu dira goizaldean enpresak Abanton duen garajean, Ertzaintzak eta Bizkaiko Foru Aldundiak jakitera eman dutenez. 05:20 inguruan jaso du abisua Ertzaintzak. Gurpilez gain, zenbait autobusek bateria manipulatuta zuten, Aldundiaren esanetan.
Sindikatuek, bestalde, ekintza horiekin bat egiten ez dutela adierazi dute, "gertakari puntualak dira", gaineratu dute. Hain justu, sabotajea "ke-laino" moduan erabiltzea egotzi diote Bizkaiko Foru Aldundiari, "arreta beste alde batera bideratu nahi dute, joan den urtean sinatutako akordioa ez betetzearren".
Sabotajearen ondorioz, Enkarterrietan gutxieneko zerbitzuak eskaini behar zituzten autobusek atzerapenak izan dituzte. Izan ere, gurpilak eta bateriak konpondu dituzten arte, geldituta egon dira ibilgailuak.
Bizkaibuseko sindikatuen hitzetan, Abanton jazotakoak "gertakari puntualak" dira, eta ildo horretan, Aldundiari bere mesedetan erabiltzea egotzi diote: "Arazoa konpondu barik, arreta beste alde batera bideratu nahi dute".
ELAko iturriek azpimarratu dutenez, sindikatuek ez dute sabotaje ekintza horiekin bat egiten. Euren hitzetan, gertakariek "ez dute eragin ekonomikorik izan", gurpilak "hustuta zeuden, ez zulatuta" eta "jada zerbitzua eskaintzen ari dira".
Sindikatu honen aburuz, foru erakundea herritarrak "nahastu guran" dabil. Izan ere, nabarmendu dutenez, ez dute bilera egiteko Aldundiaren eta enpresen deirik jaso, eta horrek, euren ustean, arazoa konpontzeko "borondate falta argia" erakusten du.
"Lan baldintzak eta lanpostuak bere horretan uztea baino ez dugu eskatzen, urriaren 4an sinatutakoa, alegia. Bizkaiko Foru Aldundiak nahi duenean konponduko da arazoa. Gure ustez, Aldundiak ez du arazoa konpondu nahi eta langileak eta erabiltzaileak bahitu gisa erabiltzen ari da", adierazi dute.
Laugarren greba-eguna
Bizkaibuseko langileek laugarren greba-eguna dute gaur, iaz Bizkaiko Aldundiarekin enpleguari eusteko egindako akordioa bete dadila aldarrikatzeko.
Egun osoko lanuztearen baitan, ELA, CCOO, LAB, UGT eta LSB/USO sindikatuek manifestazioa egingo dute Bilboko erdigunean. Mobilizazioa 10:00etan abiatu da EiTBko egoitzan eta foru jauregian amaitu.
Gaurkoaren ostean, beste bost greba egun daude deituta: urriaren 17, 20, 21, 23 eta 24an. Urriaren 27tik aurrera greba mugagabea dago iragarrita.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".