Sindikatuak: ‘Istiluekin arreta desbideratu nahi du Aldundiak’
Bizkaiko Foru Aldundia lanuzteetan gertatu diren istilu “puntualak arreta desbideratzeko erabiltzen” ari dela salatu dute gaur Bizkaibuseko sindikatuek. Langileek bosgarren greba eguna egin dute ostiral honetan.
Zerbitzuaren lanpostuak mantentzeko “benetako” konpromiso bat eskatzen diote langileek Aldundiari.
ELA, CCOO, LAB, UGT eta LSB/USO sindikatuek deituta, 1.200 pertsonek manifestazioa egin dute Bilboko erdialdean, sindikatuetako iturrien arabera.
Bestalde, konpainiek aurkeztutako proposamena “positiboa” eta “aurrerapauso” bat dela uste dute sindikatuek; izan ere, langileen baldintzak eta hitzarmena mantentzea onartzen dute, baina lanuzteak bertan behera uzteko “nahikoa ez” dela erantsi dute.
Autobus bat harrikatu dute
Bizkaibuseko bosgarren greba-egunean gutxieneko zerbitzuak eskaini behar zituen TCSAko autobus bat harrikatu dute gaur goizean, Galdakaon, eta hiru leiho apurtu dizkiote. Horrez gain, Galdakaoko Ospitaletik EuskoTreneko geltokirainoko zerbitzua (ez da Bizkaibusena) eskaintzen duen autobusaren kontra ere harriak bota dituzte, Bizkaiko Foru Aldundiak jakinarazi duenez.
06:45ean, A-3641 linean gutxieneko zerbitzuak eskaini behar zituen autobus bati harriak bota dizkiote Galdakaoko Ospitalean. Bizkaibusena zelakoan, erietxearen eta EuskoTreneko geltokiaren artean zerbitzua eskaintzen duen beste autobus bat ere harrikatu dute, Aldundiko iturriek agertu dutenez.
Iturrion arabera, gidariari "sustoa" eragiteaz gain, gutxieneko zerbitzuan atzerapenak izan dira, kaltetutako autobusa ordezkatu behar izan dutelako. Hala, Foru Aldundiak sabotajea salatu du.
Gainerako gutxieneko zerbitzuak normaltasunez eskaini dituzte.
Gaitzespena
Greban izandako liskarrak berriro gaitzetsi dituzte sindikatuetako iturriek, baina “puntualak” direla errepikatu dute. Gainera, Aldundia istilu horiek gatazkaren “arreta desbideratzeko” erabiltzen ari dela salatu dute.
Era berean, autobusaren aurkako erasoa gaitzetsi du Aldundiak. Gutxieneko zerbitzuen informazioa geltokietatik kendu dutela salatu du Aldundiak, “herritarrei kalte egiten zaielako”.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".