Deskargako obratan kontrol sistema bat ezarri du Gipuzkoako Aldundiak
Deskargako obratan lan hitzarmena betetzen dela bermatzeko kontrol sistema bat martxan jarri du Gipuzkoako Aldundiak. Horrela, langileen sarrerak eta irteerak kontrolatzeko makinak eta jagoleak jarri dituzte.
Larraitz Ugarte Mugikortasun diputatuak sistema berria aurkeztu du gaur GI-632 errepidean, Deskargako obratan. 2013ko irailean 33 urteko langile bat hil zen bertan.
Obra publikoetan parte hartzen duten enpresetan eta azpikontratetan eraikuntzaren hitzarmena betetzea bermatuko duela errepikatu du Gipuzkoako Aldundiak agerraldi ezberdinetan.
Bergara-Antzuola eta Antzuola-Urretxu
Horrela, hitzarmena betetzeko sistema martxan jarri dute Deskargan, Ugartek adierazi duenez. Bergara-Antzuola eta Antzuola-Urretxu tarteetan kontrol makinak ezarri dituzte, erakundeak agiri batean azaldu duenez.
Enpresek eta makinek igorritako informazioa VisualTime programaren bidez kontrolatu eta aztertuko dituzte. Konpainien eta hitzarmenen datuekin alderatu egingo dituzte eta urraketen berri emango dute. Era berean, txostenak eta azterketak egiteko aukera emango du horrek.
Neurri berriak aintzat hartu ditu ELA sindikatuak, baina “makina batekin” lanetako arazoak konponduko dituztela pentsatzea “xalotasuna” dela gaineratu du.
Zure interesekoa izan daiteke
Greba eguna dute Tubos Reunidoseko langileek, batzordeen eta zuzendaritzaren arteko bilerarekin bat eginez
Amurrioko lantegiko langileek lanuzteak deitu zituzten otsailaren 17, 23 eta 26rako eta martxoaren 4 eta 9rako. Trapagarango lantegiko LAB eta ESK sindikatuek ere lanuzteak deitu dituzte egun berberetarako.
Trumpek Venezuelako petrolioaren kontrola hartu zuenetik Europara heldu den lehen ontzia Bilboko portuan da
Hilabete eta sei egun igaro dira Josu Jon Imaz Repsoleko egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da azken orduotan Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.