Garagartza eta Eskoriatza hurrengo astean hasiko dira ekoizten
Cata konpainiak hurrengo astean abiatuko du Garagartzako eta Eskoriatzako lantegien jarduera, Fagor Etxetresnaken aktiboak erosi eta gero. Dagoeneko 155 langile kontratatu ditu enpresak, Francisco Martin zuzendari nagusiak azaldu duenez.
"El Dilema" ETB2ko saioan eskainitako elkarrizketa batean, Fagorren aktiboak erosteko prozesua ostegunean bukatuko dela baieztatu du Martinek, egun horretan sinatuko baitute operazioa.
Horren esanetan, jarduera hasiko duten lehen lantegiak Garagartzakoa eta Eskoriatzakoa izango dira. "Berehala izango da, konkurtso agintariekin mantentze faseak prestatzen aritu gara, eta lantegiak hurrengo astean izango dira ekoizten hasteko prest", zehaztu du Catako buruak. "Eta datorren astean prest ez badaude, hurrengoan izango da, baina berehalako kontua da", gaineratu du.
Lantegi horietan, mantendu egingo dituzte orain arteko ekoizpen arloak. Hori horrela, Eskoriatzan sukalderako tresneria ekoizten jarraituko dute, eta, Garagartzan, egosketa tresnak.
Bestalde, Bergarako lantegian kontratu guztiak subrogatu egingo dituztela aurreratu du. "Bertako enplegu guztiari eutsiko diogu", nabarmendu du.
Catak 700 kontratazio egitea promestu zuen, eta zenbaki horretara noiz helduko diren "negozioaren abiaduraren araberakoa" izango dela esan du Martinek.
Zure interesekoa izan daiteke
Papresako langileek lanuzteak hasi dituzte, enpresa sal dezaketelakoan eta laneko erregulazio espedientea ezarriko duelakoan
Enplegu-erregulazioko espedienteak 250etatik 110 langileri eragin liezaieke.
Greba eguna dute Tubos Reunidoseko langileek, eta deialdiek batzordeen eta zuzendaritzaren arteko bilerarekin bat egingo dute
Amurrioko lantegiko beharginek lanuzteak deitu zituzten otsailaren 17, 23 eta 26rako eta martxoaren 4 eta 9rako. Trapagarango lantegiko LAB eta ESK sindikatuek ere lanuzteak deitu dituzte egun horietarako.
Bilboko portuan da Trumpek Venezuelako petrolioaren kontrola hartu zuenetik Europara heldu den lehen ontzia
Hilabete eta sei egun igaro dira Josu Jon Imaz Repsolen egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.