Espainiako erregea, enplegua sortuko duen berrindustrilazioaren alde
Felipe VI.a Espainiako erregeak berrindustrializazio "zentzudun, eraginkor, teknologiko, iraunkor, gizartearekiko sentibera eta lanpostuak sortuko dituena" aldarrikatu du.
Enpresa Zuzendarien Batzarraren III. ekitaldian, Bilbon, egin ditu erregeak adierazpenok, errege denetik EAEra egin duen lehenengo bisitan.
"Berrindustrializatu irabazteko" lelopean, jardunaldiak egin dituzte atzo eta gaur Euskalduna Jauregian, eta enpresa eta politika alorreko 1.800 zuzendarik eta 40 hizlarik parte hartu dute.
Felipe VI.ak jardunaldien leloa izan du hizpide itxiera ekitaldian, Espainiako Estatuak eta Europa osoak, berrindustrializatzeko "beharra" dutelakoan, "industria pisua galtzen" ari delako.
"Industria sektore indartsua duten herrialdeek, mundu mailako krisiari hobeto eusteaz gain, kalitate handiagoko enplegua dute, I+G+B gehiago dutelako eta gehiago esportatzen dutelako", azpimarratu du erregeak
Bisita
Errege gisa EAEra egin duen lehenengo bisitan, euskaraz hasi du hitzaldia, "lurralde maite honetan" egoteagatik "oso pozik" dagoela adierazteko.
"Berriro Bilbora etortzea herri abegikor batera itzultzea da. Segituan atzematen da industriarekiko sena". Felipe VI.aren esanetan, Bilbon "inoiz ez dute etsi zenbaitzuk gauzak ekoizteko harrotasuna deitzen dioten horretan".
Espainiako monarkiaren burua Euskalduna Jauregira iritsi denean, bertan ziren harrera egiteko Jose Luis Bilbao Bizkaiko ahaldun nagusia, Josu Erkoreka Jaurlaritzaren bozeramailea (lehendakaria Mexikon dago), Ibon Areso Bilboko alkatea, Carlos Urquijo Espainiako Gobernuak EAEn duen ordezkaria, eta Rafael Miranda Zuzendaritzaren Aurrerapenerako Elkartearen burua.
Alkateak erregeari esan dio beti dela ongietorria Bilbon, eta Leonor alabaren urtebetetzea dela eta, bere partetik zoriontzeko eskatu dio.
'Onartezinak diren ustelkeria kasuak'
Josu Erkoreka Eusko Jaurlaritzako bozeramaileak ere parte hartu du ekitaldian eta ustelkeria izan du hizpide. Jaurlaritzako ordezkariak "neurri drastikoak" hartzeko eskatu du eta horiek "modu zorrotzean" ezartzeko, "onartezinak diren ustelkeria kasuak" gerta ez daitezen.
Erkorekak ez du alde batera utzi nahi izan "Espainian bizi den ezinegona eta sinesgarritasun demokratikoaren krisia". Egoera horri "modu drastikoan buelta ematearen" alde agertu da.
"Akatsak onartu behar dira, zuzendu eta alde batera utzi", esan du. "Trantsizio berri" bat ere defendatu du. Era berean, "onestasunean oinarritutako kultura publiko baten alde, kode etiko baten alde eta erakundeen kontrola aurrera eramango duen eredu berri baten alde ere agertu da.
Protesta
Jauregiaren kanpoaldean, EH Bilduk eta Ezker Anitzak deituta, dozenaka pertsona elkartu dira erregearen aurrean Euskal Herriaren independentzia eta errepublika aldarrikatzeko.
Zure interesekoa izan daiteke
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.
Euskal partzuergoak Ayesa Digital erosi du
Iñigo Ucin presidente ez-exekutibo eta Manuel Baraza kontseilari delegatu ariko dira. Operazioan, Indar Karterak, BBK-k, Eusko Jaurlaritzak, Vital Fundazioak eta Tekneik osatutako partzuergoak Ibermatica zena erosi du.
Euriborra % 2,565era igo da, 2022ko urritik izan duen hileko hazkunderik handiena
Ekialde Hurbileko gerrak petrolioaren eta gasaren prezioetan eragin dituen igoerek ziurgabetasuna eraman dute merkatuetara eta inflazioaren beldurra zaldu dute banku zentraletan. Ondorioz, hipoteka aldakorrak kalkulatzeko erabiltzen den indizea gora begira jarri da.
Etxebizitzen prezioa % 12,8 igo da Euskadin, eta % 16, Gipuzkoan
Hala, EAE Espainiako hirugarren erkidego garestiena da, metro koadroko 2.631 euroko batez besteko prezioarekin.
Jaurlaritzak elektrizitate-sorkuntza berriztagarria bikoiztuko du 2030era arte, 80 milioiko inbertsio publiko-pribatuarekin
Horrekin batera, 'Lehentasunezko jarduketa-eremuak' izeneko dokumentu bat diseinatu du Jaurlaritzak, parke eolikoak eta fotovoltaikoak "modu errealista eta arrazionalean" hedatzeko. Guztira, eguzki-energiako eta energia eolikoko 11 'planta handi' aurreikusten dira 2030erako.