Pentsiodunei 50 euro gehiago ordaintzea planteatu du Marotok
Pentsiodunei diru-sarrerak bermatzeko errenta hilean 50 euro igotzea proposatu dio gaur Javier Maroto (PP) Gasteizko alkateak Eusko Jaurlaritzari. Kolektibo horrek energia ordaintzeko dituen zailtasunak argudio gisa erabili ditu Marotok.
Diru-sarrerak bermatzeko errenta aldatzeko planteamendua berriz defendatzeko prentsaurrekoa deitu du Marotok Gasteizen. “Iruzurra” eta “abusuak” eragozteko laguntza sozialak aldatzea beharrezkoa dela errepikatu du Gasteizko alkateak azken hilabeteetan.
Diru-sarrerak bermatzeko errenta aldatzeko bere gurutzadan, Marotok beste proposamen bat azaldu du gaur udaletxeko prentsa-aretoan: pentsiodunen osagarriak hilean 50 euro areagotzea, kolektiboaren gehiengoak pairatzen duen “pobrezia energetikoa” arintzeko.
Horretarako, diru-sarrerak bermatzeko errenta arautzen duen legedia Eusko Legebiltzarrean aldatzea beharrezkoa ez dela azaldu du Marotok. Eusko Jaurlaritzaren Kontseiluak diru-sarreren mugak ezartzen dituen dekretua alda dezake, pentsiodunek diru-laguntzak jaso ahal izateko.
PPk ekimena Eusko Legebiltzarrean aurkeztuko duela iragarri du alkateak. Horrela, Alderdi Popularrak legez besteko proposamena planteatuko du muga aldatzea eta handitzea eskatzeko.
Pentsioak 200 euro igotzea eskatu dio EAJk Rajoyri
Bestalde, pentsio “eskasen” arazoa Alderdi Popularraren Gobernu zentralak “sortu” duela ohartarazi dio Gorka Urtaran Gasteizko EAJren bozeramaileak Marotori. Horrela, “pentsio baxuenak hilean 200 euro igotzeko” jeltzaleen proposamena babesteko eskatu dio Urtaranek Gasteizko alkateari.
PPren Gobernuak BEZaren garapena eta pentsioak “bereiztea” erabaki zuela gogorarazi dio EAJko bozeramaileak Marotori. Horrela, pentsiodunen kolektiboak “erosteko ahalmena galdu” duela salatu dute jeltzaleek.
Kontrola
Azkenik, Bizkaiko Foru Aldundiak eta Eusko Jaurlaritzak hitzarmen bat sinatuko dute Lanbidek kudeatutako diru-laguntza sozialetan iruzurra eragozteko. Horrela, erakundeek datuak trukatuko dituzte kudeaketa hobetzeko.
Bizkaiko Batzar Nagusiek bilkura egin dute gaur, Gernikan. Jose Maria Iruarrizaga Ogasun eta Finantza diputatuak azalpenak eman ditu PPk eskatuta. Horrela, diru-sarrerak bermatzeko errentaren kontrola hobetzeko hitzarmena azaldu du diputatuak.
Oraindik erakundeek hitzarmena sinatu behar dutela onartu du Iruarrizagak, baina Bizkaiko zerga-sistema hobetuko duela ziurtatu du diputatuak.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.