Arabako patronalak enplegua sortzeko neurriak eskatu ditu
Juan Ugarte SEA Arabako patronaleko idazkari nagusiak lurraldeko ekonomiarentzat "une garrantzitsua" dela adierazi du. Horren ildotik, "argia ikusten hasi" badira ere, enplegua sortzeko neurriak abiatzea beharrezkoa dela nabarmendu du.
Ugartek Arabako enpresen egoerari buruzko udazkeneko barometroa aurkeztu du gaur, Aitor Otaola SEAko zuzendariordearekin batera.
Barometro horren arabera, egungo egoera aurreko hilabeteetakoa baino "hobea" da, baina Arabako enpresen % 25 oraindik ere atzeraldiaren ondorioak pairatzen ari dira.
"Argazkia hobea da, baina Arabako ekonomiak ez du hazkunde indartsua izan oraindik, eta enpresek ez dute uste hurrengo hilabeteetan gertatuko denik", gaineratu du Ugartek.
Horren esanetan, enpresen % 90ek enplegu maila eustearen alde egingo dute, eta % 82k inbertsioa mantendu edo handituko dute.
Arabako patronalak 2015. Aurrekontuetan ekonomia sustatzeko neurriak gaineratzea eskatu die Eusko Jaurlaritzari eta alderdi politikoei, eta enpresei zergak murrizteko deia egin du.
Halaber, CCOOri eta UGTri akordioak lortzeko deia egin die. Izan ere, ELAk eta LABek "negoziatzeko borondaterik" ez dutela salatu du.
Arabako enpresen % 49k iaz baino emaitza hobeak lortzea espero dute aurten, eta horien kezka nagusiak Espainiako ekonomiaren ahultasuna eta bezeroek ez ordaintzea dira.
Zure interesekoa izan daiteke
Greba eguna dute Tubos Reunidoseko langileek, batzordeen eta zuzendaritzaren arteko bilerarekin bat eginez
Amurrioko lantegiko langileek lanuzteak deitu zituzten otsailaren 17, 23 eta 26rako eta martxoaren 4 eta 9rako. Trapagarango lantegiko LAB eta ESK sindikatuek ere lanuzteak deitu dituzte egun berberetarako.
Trumpek Venezuelako petrolioaren kontrola hartu zuenetik Europara heldu den lehen ontzia Bilboko portuan da
Hilabete eta sei egun igaro dira Josu Jon Imaz Repsoleko egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da azken orduotan Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.