Aburto: 'Hiru urte beharko dira enplegua modu nabarmenean hazteko'
“Hiru edo lau urte igaro beharko dira” Euskal Autonomia Erkidegoan enplegu kopuru “handiak” sortu ahal izateko, Juan Maria Aburto Enplegu eta Gizarte Gaietarako sailburuaren hitzetan. Horrez gain, enpresen “benetako erantzukizun soziala” lan-merkatuan gazteak sartzea izan beharko litzatekeela gaineratu du.
Onda Vascari eskainitako elkarrizketan, adierazle makroekonomikoek datorren urteari begira %2ko hazkundea aurreikusten dutela gogoratu du. “Hazkunde-tasa horrekin, lortuko den enplegu datua oso txikia izango da”, azaldu du.
Horren harian, “hiru edo lau urte igaro beharko dira” lanpostu zifra “handiak” lortzeko.
Gazteen langabezia-tasaz ere aritu da Aburto: eurogunean % 23koa, Euskadin % 34koa eta Espainiar Estatuan, berriz, % 54koa. Datuak “ikaragarriak” direla onartu du eta gazteei “mezu arriskutsua” helarazten ari dietela gaineratu du: “lanean ez dituztela ikusi nahi esaten ari zaie gazteei”.
“Bere etorkizunean pentsatzen ari den gizarte honetan, hurrengo belaunaldia ez dago bermatuta”. Pentsioen sistemak eta babes sozialak “oztopo handiak izango dituzte gazteak lan-merkatura sartzen ez badira”, Enplegu sailburuaren ustez.
Gizarte laguntzak
Bestalde, Diru-sarrerak bermatzeko errenta kudeatzeko modua “gero eta hobea” dela adierazi du Aburtok, “laguntzak gehien behar dituztenei ematen zaizkielako”. Hala ere, “gehiago hobetzeko” tartea badagoela onartu du.
Euskadi “erreferentea” da Podemos-Ahal Dugurentzat, Aburtoren hitzetan. Gizarte laguntzak jasotzeko baldintzak gogortzea ez du aurreikusten sailburuak.
Mahai Sozialaren bilera
Mahai Sozialaren hurrengo bilera “datorren astean” egitea nahiko luke, nahiz eta lantaldea “herren” jaio zela onartu, ELA eta LAB ez direlako batzar horretan izango. Hala ere, aztertu beharreko “gai garrantzitsuak” badaudela azpimarratu du Enplegu arduradunak.
Elkarrizketa “mugatuagoa” izango dela eta adostutako akordioek “zilegitasun ezberdina” izango dutela azpimarratu du Aburtok.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.