Confebaskek 'adierazpen irmo' batekin erantzungo die ELAri eta LABi
Miguel Angel Lujua Confebaskeko presidenteak iragarri duenez, ostegunean, Elkarrizketa Sozialerako Mahaian, erantzungo dio ELAk eta LABek egindako salaketari eta "adierazpen irmo" batekin bi sindikatuen ilegalizazioa eskatu duenik ukatuko du. LABek aurrena, eta ELAk, gero, Confebask EAEko enpresaburuen elkartea salatu zuten, Espainiako Gobernuari ustez igorritako dokumentu batean sindikatu abertzaleak legez kanpo uzteko "mekanismoak" eskatzeagatik. Lujuaren hitzetan, elkarrizketa soziala "izorratu" nahi duen "norbait" dago dokumentu horren atzean.
Rajoyren gobernuak Enpresa eta sindikatu elkarteak arautzeko estatutuen Dekretua aldatzeko proiektuaren zirriborroari Confebaskek egin omen dizkion alegazioak dira ika-mikaren iturri. Besteak beste, elkarrizketa sozialean parte hartzen ez duten edo "estatutuetan formalki jasotako helburuak betetzen ez dituzten" sindikatuak legez kanpo uzteko "mekanismoak" eskatu ei dituzte EAEko enpresaburuek.
Radio Euskadin eskainitako elkarrizketa batean nabarmendu duenez, Confebaskek ez dio Espainiako Gobernuari "sindikatuen kontrako dokumenturik igorri". Izan ere, EAEko patronalaren buruaren esanetan, "sindikatuak estatu demokratikoaren oinarrizko elementuak dira. Ez dugu sindikaturik aipatu CEOEri bidalitako idatzian".
Sindikatuen salatutako testua LABen webgunean bakarrik ikusi duela kritikatu du Lujuak. "Eskertuko nuke nork eman dien edo zein iturritik jakin duten argituko balute; ez da nik babestuko nukeen idatzi bat, ez du Confebasken batzorde exekutiboak onartu eta, inondik inora, ez da CEOEri bidali dioguna", erantsi du.
Argitu duenez, "Espainiako patronalari igorritako testuan diogun bakarra da edozein araudi egiteko askatasun sindikalaren lege organikoan jasota dauden bermeak kontuan hartu behar dituela Espainiako Gobernuak. Ez dugu ezein sindikatu aipatu gure testuan, ez LAB, ezta ELA ere. Esan dezala LABek nork eman dion idatzi hori", agertu du haserre.
LABen webgunean eskegitako dokumentua Confebaskeko kideren batek egin ahal izan duen galdetuta, ezezkoa erantzun du Lujuak; "nik behintzat ez dut horren berri". "Garrantzizko zerbait negoziatzeko jesarri behar garen bakoitzean dokumentuak edo adierazpenak agertzen dira ", nabarmendu du.
LABen erantzuna
Ainhoa Etxaide LAB sindikatuko idazkari orokorraren iritziz, Confebasken “jarrera” da “dokumentuari sinesgarritasuna ematen diona”. “Hor dago, beraz, arazoa”, gaineratu du.
Azpimarratu duenez, “arazoa” ez da LABek dokumentua argitara atera izana, “dokumentua hor dagoelako, ikusi egin delako, eta Jaurlaritzak berak sinesgarritasun osoa eman diolako”.
“Arazoa”, sindikatuaren ustez, Confebasken “jarreran” datza, dokumentu horren edukiari “sinesgarritasuna ematen baitio”.
”.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".