ELAk eta LABek Confebask 'atzerakoia' elikatzea egotzi diote Urkulluri
ELA eta LAB sindikatuek "herrialdeko atzerakoienak elikatzea eta onartzea" leporatu dio Eusko Jaurlaritzari, elkarrizketa sozialerako mahaian Confebask patronalarekin esertzeagatik. Izan ere, patronalak bi sindikatuok legez kanporatu nahi dituela berretsi dute.
Bi sindikatuetako kideek kontzentrazioa egin dute gaur Confebasken Bilboko egoitzaren parean, "Confebaskek legez kanporatu nahi gaitu" lelopean, eta bertan izan dira Adolfo 'Txiki' Muñoz eta Ainhoa Etxaide ELAren eta LABen idazkari nagusiak.
Muñozek gogor kritikatu du Jaurlaritzak, Confebaskek eta CCOO eta UGT sindikatuek elkarrizketarako mahaia osatu izana, Iñigo Urkullu lehendakariaren Jaurlaritzak langileen % 60 ordezkatzen duten sindikatuak, ELA eta LAB, ahaztu zituelako, eta hori "antidemokratikoa" delako.
Buruzagi sindikalak berretsi du Confebasken dokumentua, haien ilegalizazioa eskatzen duena, "benetakoa" dela, eta hori "estatu kolpea" dela.
Muñozen esanetan, euskal patronalak "bi ligatan jolasten du". "Lehenengo mailan", Espainiako Ligan, Eusko Jaurlaritzak "ez du eskumenik" ELAren eta LABen ilegalizazioa "galarazteko", eta horregatik jo du Confebaskek CEOEra, azaldu du ELAren idazkari nagusiak.
Era berean, Muñozek kritikatu du patronalak "euskal ligan" ere parte hartzen duela, eta bertan "finantziazioa" eta "errekonozimendua" jasotzen dituela.
Bestalde, Confebaskek Antonio Garamendi CEOEren presidente izateko hautagaitza babestu izana kritikatu du, hautagai horrek "Espainiaren batasuna" aldarrikatzen duelako, eta hori bateraezina delako "gobernu nazionalista batekin".
Elkarrizketa mahaia
Elkarrizketa mahaiaz, ELAk esan du edukiz hustu dutela. Gainera, patronalarentzat eta Jaurlaritzarentzat gehiengo sindikala "oztopoa" denez, UGTrekin eta CCOOrekin konformatu behar izan dutela kritikatu du.
LABen idazkari nagusiak, berriz, mahaian parte hartu ez izana goraipatu du, parte hartzeak "agenda neoliberala babestea" suposatuko lukeelako.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".