Indarrean sartu da iraupen luzeko langabeentzako laguntza berria
Espainiako Gobernuak eta gizarte eragileek enplegua sustatzeko eta iraupen luzeko langabeak lan munduan sartzeko diseinatutako aparteko programa ostegun honetan sartuko da indarrean.
Programa horretarako sarbidea dutenek 426 euro jasoko dituzte hilean, gehienez ere sei hilabetean. Diru-laguntza hori jasotzeko aukera izango dute laguntza guztiak agortu dituzten iraupen luzeko langabeek, karga familiarrak dituztenek edota hainbat baldintza betetzen dituztenek.
Zehazki, diru-laguntza eskatzeko, iraupen luzeko langabetuek baldintza hauek bete beharko dituzte: aurrez, inoiz, lanean aritu izana; lana aktiboki bilatzea, eta laguntza berria eskatu baino sei hilabete lehenago diru-laguntza guztiak gastatu izana.
Halaber, laguntza hau jasotzeko, beste bi baldintza hauek ere bete behar dituzte: familia ardurak izatea eta 2014ko abenduaren 1a baino lehen Lanbiden izena emanda egotea.
Diru-laguntza berri horrek 1.000 eta 1.200 milioi euro arteko kostua izango du, eta 400.000 eta 450.000 langaberi eragingo die.
Laguntza jasotzen dutenak enplegu zerbitzu publikoek diseinatutako ibilbidea betetzera behartuak izango dira, ahalik eta azkarren lan merkatura itzul daitezen.
Bestalde, laguntza jasotzen duenaren borondatea ere kontuan izango da eta baita "egokia" den edozein lan eskaintza onartzea ere. Gainera, laguntza jasotzeko beharrezkoa izango da azken lana "nahi gabe" galdu izana.
Laguntzen onuradunek aktibitaterako konpromisoa sinatu beharko dute eta, horren arabera, enplegurako zerbitzu publikoek edo lan munduan sartzeko agentziek zehaztutakoa egin beharko dute. Programan parte hartzen ari diren denboran, lan eskaintza bat edota formakuntza saio bat egiteko eskaera jaso eta ukatzen dutenak bertatik aterako dira.
Programa 2016ko apirilaren 15era bitartean egongo da indarrean eta onuradunek laguntza enplegu batekin bateratu ahal izango dute.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.