Elkarrizketa Sozialaren Mahaiaren akordioak bultzatuko ditu Toñak
Angel Toña Jaurlaritzako Enplegu eta Gizarte Gaietarako sailburuak Elkarrizketa Sozialaren Mahaiak adostutako akordioak “bultzatzeko” konpromisoa hartu du, Confebask patronaleko arduradunekin atzo egin zuen bileran. Batzar horretan, Osalanen Plan Estrategikoan aurreikusitako neurriak martxan jartzea ere adostu zuten.
Ohar batean, Confebaskek azaldu du Angel Toña sailburu berriarekin bilera egin zutela atzo, patronalaren egoitza berrian.
Confebasketik Miguel Angel Lujua presidentea, Eduardi Arechaga zuzendari nagusia eta Jon Bilbao Pertsonaleko eta arlo juridikoko arduraduna joan ziren aipatu bilerara. Toña sailburuarekin batera, Ricardo Barkala Enplegu sailburu ordea eta Javier Losantos Enplegu zuzendaria joan ziren.
Sailburu izendatu zutenetik Confebaskekin egindako aurreneko bilera izan zen atzokoa. Besteak beste, Elkarrizketa Sozialaren Mahaian adostutako akordioak aztertu zituzten.
Horren harian, akordio horiekin “bat” egin zuen sailburuak, eta, etorkizunean hitzarmenei “bultzada” emateko konpromisoa hartu zuen. Enpleguaren alorrean martxan jarritako neurriak gertutik jarraituko dituela esan zien Toña sailburuak Confebaskeko arduradunei.
Lan-harremanen esparrua eta Euskadik bizi duen egoera “sozio-ekonomikoa” ere aztertu zuten, baita Lanbiden, Hobetuzen eta Osalanen hartutako azken erabakiak ere.
Zure interesekoa izan daiteke
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.