Santanderrek 70.000 euro ordaindu beharko ditu Fagorren ekarpenengatik
Donostiako epaitegi batek 69.975 euro itzultzera zigortu du Santander Bankua, Fagor Etxetresnaken finantza-ekarpen subordinatuak erosteko kontratu batean senar-emazte batzuen sinadurak faltsutzeagatik.
Epaia Olaizola Abogados y Asociados abokatu bulegoak zabaldu du, bertakoa baita senar-emazteak defendatu zituen abokatua. Epaiaren arabera, frogatutzat jo dute Santander Bankuak "araudia erabat urratu" zuela, "bezeroari oinarrizko informazioa ezkutatzeagatik, hau da, erosten ari zen produktua ezagutu eta horren arriskuen berri izateko beharrezko informazioa ezkutatzeagatik"; alegia, "inbertsioa behin betikoa zela eta likidezia falta izateko arriskua" ezkutatzeagatik.
Ekarpenak salerosteko operazioa 2006ko uztailaren 13an egin zuen, 69.975 euroren truke, Santander Bankuak. Iruzurraren biktimak horren bezeroak izan dira 40 urtez, eta orain dirua itzuli eta data horretatik aurrera eragindako interesak ere ordaindu beharko ditu.
Epaiak bezero horien sinaduren gainean aditu batek egindako txostena ere jaso du. Adituaren arabera, operazio horren zenbait agiritan, besteak beste, baloreen erosketa (Produktu Gorria deitutakoa) jasotzen duenean, eta Santander Bankuaren Prozeduraren Eskuliburuan agertzen diren sinadurak ez dira "demandatzaileek" egindakoak, "faltsututakoak" baizik.
Aipatutako proba horretatik epaileak ondorioztatu duenez, bi bezeroen NAN agirietatik kopiatutako sinadurak dira eta, zantzu guztien arabera, "pertsona bakar batek faltsutu zituen".
"Hori dela eta, ondoriozta dezakegu aipatutako agirien eta adierazpenen arabera, ezin dela baieztatu demandatzaileek Fagorren ekarpenen gaineko informazio nahikoa izan zutenik, ez produktu horren funtzionamenduaren inguruan, ezta horren arriskuen inguruan ere", gaineratu du epaileak.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.