EAEko erakundeek baztertu egin dute murrizketarik egitea
Eusko Jaurlaritzak eta foru aldundiek baztertu egin dute murrizketarik egitea, iaz esperotakoa baino % 3,8 gutxiago bildu bazuten ere, hau da, 468 milioi euro gutxiago.
Finantzen Euskal Kontseiluak baieztatu duenez, foru aldundiek 12.612,6 milioi euro bildu zituzten iaz, duela urtebete 13.080 milioi biltzea aurreikusi bazuten ere. Hori bai, 2014an baino 300 milioi gehiago jaso zituzten.
Kontseilua gaur arratsaldean bildu da Eusko Jaurlaritzaren egoitzan, Gasteizen. Ricardo Gatzagaetxebarria (EAJ) Ogasun sailburuak eta Unai Rementeria (Bizkaia), Ramiro Gonzalez (Araba) eta Markel Olano (Gipuzkoa) ahaldun nagusiek parte hartu dute.
Bizkaian, diru-bilketak apenas egin zuen gora (% 0,49; 6.515,4 milioi). Petrolioaren prezioaren beherakadak energia enpresei eragin die eta BEZaren bidez diru gutxiago bildu du Aldundiak.
Erregaiaren salneurri baxuak lurraldeko diru-bilketari eragingo diola onartu zuen atzo Unai Rementeria Bizkaiako ahaldun nagusiak Radio Euskadin, baina Aldundiak oraingoz murrizketa gehiago egingo ez dituela erantsi zuen.
Hala eta guztiz ere, lehen hiruhilekoaren datuei begira egon beharko direla ohartarazi zuen Rementeriak, diru-sarreren garapena ikusteko eta erabakiak hartzeko.
Gipuzkoan, 4.104 milioi euro bildu zituzten zergen bidez iaz, % 4,3 gehiago. Diru-sarrerek gorakada handiena Araban izan zuten: % 4,88, 1.993,1 milioi euro.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.