Bruselak altzairuaren bilera eta protesta bat hartuko ditu gaur
Europako altzairuak hitzordu bikoitza du gaur Bruselan; izan ere, Europar Batasunak bilera egin behar du eta manifestazio bat izango da Belgikako hiriburuan. EAEko ordezkari politikoek eta sindikatuek mobilizazioan parte hartuko dute.
Alde batetik, Arantxa Tapia Garapen Ekonomiko eta Lehiakortasunerako sailburua Europar Batasuneko ministroen eta ordezkarien konferentzian izango da gaur. Europako energiaren eta altzairuaren egoera aztertuko dute.
EBko Barne Merkatu Batzordeak, Industria, Ekintzaile eta Enpresa Txiki eta Ertainen Batzordeak konferentzia antolatu du. Herbehereetako, Erresuma Batuko eta Frantziako Industria ministroek, Elzbieta Bienkowska komisarioak, adituek eta enpresek parte hartuko dute.
Europako Batzordeak Txinako hiru produktu siderurgiko ikertzeko erabakia hartu ondoren egingo dute gaurko bilera. Produktuetako bat Sestaoko ACBk ekoizten du.
Siderurgia sektoreko sindikatuek protesta egingo dute
Bestalde, siderurgia sektoreko sindikatuen konfederakundeak elkarretaratzea egingo du gaur, kalitatezko lanpostuak defendatzeko eta dumpingaren aurkako neurriak eskatzeko. Europako metal industriak 40 milioi tonatan murriztu du bere ekoizpen gaitasuna eta 60.000 lanpostu zuzen baino gehiago eta zeharkako beste 100.000 galdu ditu.
Martxan EAEko buruzagi politikoek parte hartuko dute, besteak beste, Izaskun Bilbao (PNV), Carlos Iturgaiz (PP) edo Ramon Jauregui eta Eider Gardezabal (PSE) eurodiputatuek.
Elkarretaratzearen ondoren, Arcelor Mittaleko ordezkaritza bat hartuko dute eurodiputatuek Europako Parlamentuan. Asturias, Euskadi eta Valentziko lantegietako sindikatuen ordezkaritza bat bertan izango da.
Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.