Apirilaren 7an hasiko da errenta aitorpenaren kanpaina Nafarroan
Nafarroan apirilaren 7an abiatuko da iazko errenta aitorpena egiteko kanpaina. Ostegun honetatik aurrera, 179.068 aitorpen-proposamen eskegiko dituzte sarean, eta apirilaren 20tik aurrera aitorpena aurrez aurre egiteko aukera izango da. Ekainaren 20an bukatuko da epea.
Hala azaldu dute Mikel Aranburu Nafarroako Gobernuko Ogasun eta Finantza Politikoko kontseilariak eta Luis Esain Nafarroako Ogasun zuzendariak kanpaina aurkezteko prentsaurrekoan.
Zehaztu dutenez, itzultzeko diru kopurua hazi egingo da aurten. Aitortzaileen kopurua, aldiz, 2014ko kanpainaren antzekoa izango da. Orduan 325.395 errenta aitorpen aurkeztu zituzten Nafarroan (472.547 zergadun).
Apirilaren 7tik aurrera, 179.068 aitorpen-proposamen eskegiko dituzte sarean. Zergadunek baztertzeko edo onartzeko aukera dute. Proposamen horiek apirilaren 15etik aurrera bidaliko dituzte etxeetara.
Proposamena "itzultzekoa" duten horiei apirilaren 18tik aurrera ordainduko diete, betiere zirriborroa onartuz gero. "Ordaintzeko" diren aitorpen-proposamenetan, ordainketa egiteko bi epe dituzte zergadunek: uztailaren 1etik aurrera eta azaroaren 21etik aurrera.
71,9 milioi, "itzultzeko"
179.068 aitorpen-proposamenetatik 120.000 inguru (% 67) "itzultzekoak" dira, 50.000 bat (% 27), "ordaintzekoak", eta 9.600 aitorpenek, gutxi gorabehera, ez dute dirurik jasoko, ezta ordaindu beharko ere. Nafarroako Ogasunaren arabera, 71,9 milioi euro itzuliko dituzte, eta ordaindu beharreko kopurua 36,6 milioikoa izango da.
2014ko kanpainarekin alderatuta, aurten 11 milioi euro gehiago itzuliko dituzte. Aitorpen guztiak kontuan hartuta, itzultzeko kopuruak 20 milioiak gaindi ditzake.
Aurretiazko hitzordua
Aurrez aurreko aitorpena egiteko hitzordua hartzeko epea apirilaren 18an abiatuko da. Nafarroako Gobernuak dituen egoitzetan (Iruñea, Barañain, Burlata, Lizarra, Tafalla eta Tutera) edota 18 erakunde laguntzaileetan.
Errenta-aitorpena aurkeztera behartuta daude 2015ean 11.250 euro gordin edo gehiagoko lan-errendimendua lortu zutenek; 1.600 euro baino gehiagoko atxikipenaren mende dauden kapital higigarri edo ondare-gehikuntzen errendimenduak; eta oro har profesional, enpresaburu eta kapital higiezinak jasotzen dituztenek.
Zure interesekoa izan daiteke
Ertzaintzaren lan eskaintzarako lehen probak atzerapenarekin abiatu dira, espero baino jende gehiago aurkeztu baita
Aurreikusitakoa baino ordu eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi da, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri. Legebiltzarrean agerraldia eskatu du Sailak azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.