Pedrazek espetxera bidali du Mario Conde, berme eta baldintzarik gabe
Santiago Pedraz Auzitegi Nazionaleko epaileak espetxera bidali du bermerik eta baldintzarik gabe Mario Conde Banestoko presidente ohia, besteak beste, kapitalak zuritzea egotzita, eta Alejandra Conderen alabari etxeko atxiloaldia ezarri dio.
Epaileak baldintza gabeko espetxealdia ezarri dio Francisco Javier Fernandez de la Vega abokatuari ere, Conderi eta haren seme-alabei bezala, dirua zuritzea, talde kriminalaren kide izatea eta bestelako delitu fiskalak egitea leporatu diote.
Mario Conderen semeari eta Francisco de Asis Cuesta, Maria Cristina Alvarez Fernandez eta Roland Stanek akusatuei pasaportea kendu, astero auzitegian aurkeztea agindu eta atzerrira joatea galari die.
Epaileak ebazpenean dioenez, Banestoko presidente ohiak 13 milioi euro zuritu ditu 1999tik hona -2,2 milioi eskudiruan egindako diru-sarreren bidez eta 10,7 atzerriko banku-kontuetatik egindako transferentzien bidez-, baina oraindik 14 milioi euro zor ditu 'Banesto' auzian jasotako zigorragatik.
Pedrazek zehaztu egin du zuritzeko sarea agerian geratu dela Alejandra Conderi atzeman dioten grafiko batean, "sozietateen egituraren gehiengoa berretsiko luke". Alabak sarea koordinatzen zuen, aitarekin batera, dio epaileak, eta gaineratu du Mario Conde semea erabili dutela.
"Azpijoko horiekin epaitegien aurrean benetan duen dirutza ezkutatu du, jasotako zigorra betetzea ezinezko egiten eta, gainera, Ogasunarekin 10 milioiko zorra duela kontuan hartuta, agerikoa da aspaldiko erantzukizun fiskalari muzin egiten diola", dio epaileak.
Francisco Javier de la Vega abokatuari dagokionez, Pedrazek esan du "oinarrizko osagarria" dela, enpresa sarean.
Ustelkeriaren kontrako Fiskaltzak ere baldintzarik gabeko espetxeratzea eskatu du goizean Conde bankari ohiaren kontra. "Leporatzen dioten guztia ukatu du, eta diruaren jatorria justifikatu ahal izango duela esan du", adierazi du Ignacio Pelaez abokatuak, Condek epailearen aurrean "guztia azaldu" nahi izan duela argitu aurretik. Atzo uko egin zion Guardia Zibilaren aurrean deklaratzeari.
Pelaezek esan du espetxeratzearen kontra agertu dela, ez dagoelakoan ihes egiteko arriskurik, Banesto auziaren baitan hirugarren graduan "agerraldiak egiteko betebeharra sekula ez duelako urratu" eta baimenak izan dituenean lokalizatzeko moduan egon delako. "Gehiegizkoa iruditzen zait", gaineratu du.
Abokatuaren esanetan, ez dago frogak suntsitzeko arriskurik, Banestoren garaiko auziko ardura zibilarekin dagoelako lotuta egungo prozesua. "Ikerketak urte eta erdi darama irekita, eta berak ordenagailuetako datu eta gako guztiak eman ditu", zehaztu du abokatuak.
'Fenix' operazioaren baitan atxilotutako zazpi lagunek gaur deklaratu dute Pedraz epailearen aurrean dirua zuritzea, gaizkile taldea osatzea, zigorrak urratzea eta Ogasun Publikoaren kontrako delituak leporatuta.
uak leporatuta.Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.