2016ko defizita % 3,6koa izango da, Espainiak uste zuena baino gehiago
Luis de Guindos Espainiako Gobernuko jarduneko Ekonomia ministroak bere aurreikuspen makroekonomikoak aurkeztu ditu gaur Kongresuan. Emandako datuen arabera, 2016ko defizita Barne Produktu Gordinaren (BPG) % 3,6koa izango da, aurrez aurreikusitakoa (% 2,8) baino zortzi hamarren gehiago, alegia. 2017ari dagokionez, defizita % 2,9koa izatea espero du Rajoyren gobernuak.
Gehiegizko defizita (BPGaren % 3tik gorakoa) zuzentzeko urtebete gehiago beharko izan du, horrenbestez, Espainiak. Izatez, Europako Batzordeak 2016ko epemuga ezarri zion Rajoyren gobernuari defizit helburua betetzeko.
2016ko defizit helburua betetzeko, 2.000 milioi euroko gastu murrizketa egingo du Espainiako jarduneko gobernuak eta autonomia erkidegoen gastuetan muga jarriko du. De Guindosen hitzetan, jardunean egonda, gobernuak ezin du 2017rako erreforma plan prestatu, eta Bruselari bidali beharreko dokumentazioan 2016koak bakarrik sartuko dituzte.
Aurrez ezarritako helburua betetzeko, hau da, defizita BPG % 2,8koa izateko, "aurrekontuetan doikuntza zorrotza" egin behar zuen Espainiako Gobernuak, eta horrek "kalte izugarria" eragingo lioke "hazkunde ekonomikoari".
EB, murrizketa eske
2015eko defizitaren aurreikuspenak gainditu dituela ikusita (% 5ekoa izan zen, % 4,2koa izango zela iragarri zuten arren), aurreikuspenak doitu ditu Espainiako Gobernuak. Europar Batzordeak aurrekontuetan doikuntzak egiteko eskatu dio beste behin.
Defizit helburua betetzeko epe "errealistago" bat negoziatzen ibili da De Guindos Europako Batzordearekin. Ekonomia hazkundearen erritmoa mantsotu egingo dela eta nazioartean ziurgabetasuna nagusi izango dela argudiatu omen du EBren jarrera "malgutzeko".
Defizita ez ezik, enplegu sorreraren erritmoa ere moteldu egingo da, Espainiako Gobernuaren aurreikuspenen arabera. 2015ean % 3 hazi bazen ere, 2016an 2,7koa, eta 2017n, 2,4koa izango dela uste du De Guindosek zuzentzen duen Ministerioak
erioak
erioak
Zure interesekoa izan daiteke
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.