Espainiak EBrekin adostutakoa baino ia puntu bat gorago du defizita
Cristobal Montoro Ogasun eta Administrazio Publikoaren jarduneko ministroak azaldu duenez, 2015eko defizit publikoa Barne Produktu Gordinaren (BPG) % 5,16koa izan zen, Bruselarekin adostutako % 4,2a baino ia puntu bat handiagoa.
Ministroak esan du desbideratze hori autonomia erkidegoen errua dela "hein handi batean", helburutik ia puntu batera geratu direlako (BPGren % 1,66, eta % 0,7 adostu zuten).
Hori dela eta, Montorok "neurriak" iragarri ditu erkidegoen desbideratze horiek zuzentzeko.
Gizarte Segurantzak ere goitik itxi zuen urtean (BPGren % 1,26, eta % 0,6 adostu zuten), baina hori administrazio zentralarekin (BPGren %2,7, eta % 2,9 adostu zuten) eta udalen superabitarekin (% 0,44) konpentsatu omen zuten, ministroaren arabera.
Montorok azpimarratu du legegintzaldi honetan ia erdira jaitsi dutela defizita (2011n % 9,13koa zen), eta urte arteko datuetan oinarrituta, defizitak % 5,5etik % 5,16ra egin duela behera, nahiz eta aitortu ez dela nahikoa izan.
Ministroak iragarri du agerraldia egingo duela "aurki" Kongresuko Ogasun eta Administrazio Publikoaren batzordean, baina horren aurretik azaldu du hainbat aparteko gastu izan direla defizitaren muga gainditzea behartu dutenak, tartean C hepatitisa duten 50.000 gaixoren tratamendua, 1.090 milioi euroko kostua izan duena.
Haren esanetan, gastu horrek "agerian" uzten du Gobernuarentzat "defizita zuzentzeak ez duela esan nahi behar sozial larrienei huts egin behar zaienik".
Era berean, autonomia erkidegoetan egin dituzten inbertsio bereziak aipatu ditu, Katalunian batik bat.
EAEk helburua bete du
Soilik hiru erkidegok bete zuten defizit helburua 2015ean % 0,7tik behera geratuta: Kanariak (% 0,54), Galizia (%0,57) eta EAE (%0,69).
Nafarroa dago 2014an baino defizit handiagoarekin amaitu zutenen artean (% 0,85etik % 1,28ra), eta defizit handiena Kataluniak (% 2,7), Extremadurak (%2,64) eta Valentziak (% 2,51) dute.
Zure interesekoa izan daiteke
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.