Amaitu da greba Bizkaibusen
Durangaldean, Hego Uriben eta Arratian normaltasunez eskaintzen ari dira dagoeneko Bizkaibuseko zerbitzua. Izan ere, bertan behera geratu dira Pesalur konpainiako (eskualde horietan zerbitzua kudeatzen duen enpresa) langileek hainbat hilabetez egin dituzten lanuzteak. ELA eta UGT sindikatuek aurreakordioa lortu zuten atzo enpresarekin, eta langileek itun hori babestu dute gauerdian.
Lanuzteak bertan behera uzten azkena izan da Pesalur, Bizkaian zerbitzu hori eskaintzen duten gainerako lau enpresek aurretik lortu baitituzte akordioak aurreko hilabetean. Gauerdian bozkatu dute aurreakordioa Pesalur enpresako langileek, eta baietzaren eta ezetzaren arteko aldea oso handia izan ez bada ere, langileen gehiengoak babestu egin du ituna.
ELAk eta UGTk atzo lortu zuten aurreakordioa Pesalur konpainiako zuzendaritzarekin. Itunak bermatu egiten ditu egungo lanpostuak, eta "ateak ixten ditu" langileen kopurua ez murrizteko, sindikatu abertzaleak azaldu duenez.
Ituna hiru urterako da, eta parekatu egiten ditu konpainiaren barruan dauden bi langile motak. Horren ondorioz, TCSAtik heldutako langileei % 6 igoko diete soldata, eta guzti-guztiei % 1, urtebetean. Gainera, lan-erreformaren zenbait artikulu ez ezartzea eta enpresa barruko jarduerak beste enpresa bati ez kontratatzea ere adostu dute.
ELAren esanetan, aurreakordioak argi utzi du aldarrikapenak negoziatzerik badagoela. "Antolatzeak eta langileen mobilizazioek posible egin dute lanpostu guztiak bermatzea eta lan-baldintzak duinak izatea", adierazi dute.
Bizkaibus zerbitzua ematen duten bost enpresetako langileek maiatzaren hasieran abiatu zituzten protestak, ezegonkortasunaren eta lan-baldintzak okertzearen kontra.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".