Euskadiko bi enpresa zigortuta, AVEko kontratuak elkarbanatzeagatik
Espainiako Merkatu eta Lehia Batzordeak (CNMC) 5,64 milioi euroko isuna jarri die lau enpresei, hamabost urtez Adifek eskaini zituen AVEaren lineak ekoizteko kontratuak eskuratu eta euren artean banatu zituztelako. Euskaldunak diren bi enpresa daude horien artean.
Halaber, konpainia horietako bederatzi zuzendari zigortzea aztertzen ari dira, guztira 65.000 eurorekin.
Zigortu dituzten enpresa euskaldunak Amurrio Ferrocarril eta Jez Sistemas Ferroviarios dira, biak arabarrak. Beste biak, Talleres Alegria eta Duro Felguera dira.
Espainiako Merkatu eta Lehia Batzordeak frogatutzat eman du zigortu dituen enpresek informazioa elkartrukatu zutela hamabost urtez, 1999ko uztailetik 2014ko urrira arte, Adifek egindako lehiaketa publikoen kontratuak bereganatzeko eta trenbideen horniketaz beraiek arduratzeko.
Horrez gain, prezioak eta merkataritzarekin zerikusia zuten beste baldintza batzuk adosten zituztela ere aztertu dute. Alde horretatik, ikerketak dio mota horretako portaeren helburu nagusia konpetentzia kanporatzea zela.
Horregatik, Jose Maria Marin Quemadak zuzentzen duen organismoak azaltzen du enpresa horiek interes publikoari kalte egiten diotela. Izan ere, lehiaketa publikoan ezarri zituzten prezioak aldez aurretik adostu zituztenez, prezio horiek nahi beste puzteko aukera izan zuten. Aldiz, euren arteko lehia benetakoa izango balitz, adjudikazioen prezioak baxuagoak izango lirateke.
Espainiako Merkatu eta Lehia Batzordeak jakinarazi duenez, ikertutako epe horretan Adifek eskainitako 52 kontratuetatik % 74 bereganatu zituzten zigortu dituzten enpresa horiek.
Portaera horrek kalte egin zien Bartzelona, Levante edo Valladolideko AVEaren obrei.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.