Confebaskek, CCOOk eta UGTk akordioa sinatuko dute gaur
Confebaskek, CCOOk eta UGTk sektore negoziazioa eta EAEko hitzarmenak blindatzeko akordioa sinatuko dute gaur, Elkarrizketa Sozialerako Mahaiaren markoan eta Eusko Jaurlaritzaren babesarekin, negoziazioaren iturriek baieztatu dutenez.
Elkarrizketa Sozialerako Mahaia 12:00etarako deitu du Eusko Jaurlaritzak Gasteizen, akordioa sinatzeko. Itunak ez du gehiengoa duten ELA eta LAB sindikatuen babesik izango.
Euskadiko patronala, CCOO eta UGT aspalditik ari ziren akordioa lantzen. Gasteizko Exekutiboak bitartekaritza lanak egin ditu aldeen artean, egoerari konponbide bat ematen saiatzeko, batez ere lan erreformaren oztopoa kontuan hartuta.
Euskadiko lan-baldintzak direla-eta, behin baino gehiagotan agertu du kezka Eusko Jaurlaritzak; izan ere, ultraktibitatea galdu ondoren, kasu askotan, hitzarmenak baliorik gabe geratu dira, eta langileak Estatuko hitzarmen “okerrago” batzuen babespean daude orain.
Azken asteetan areagotu egin dira eragileen arteko harremanak, eta agiri gehiago eman dizkiote elkarri, batzuen eta besteen proposamenak aztertzeko.
Azkenik, CCOOk, UGTk eta Confebaskek jarrerak hurbildu dituzte, eta, ondorioz, akordioa sinatuko dute ostiral honetan, Euskadiko sektore negoziazioa bultzatzeko. Guztia Eusko Jaurlaritzaren babesarekin. Hala ere, ELA eta LAB sindikatu abertzaleek horrekin bat-egitea nahiko luke Exekutiboak.
Tomas Arrieta Lan Harremanen Kontseiluko presidentearen hitzetan, “EAEko hitzarmenak babesteko akordio bat ona da”, baina “ELAk eta LABek bat egiten ez badute, akordioak ez du eraginkortasunik izango”, eta, ondorioz, “ez da derrigorrezkoa izango”.
Muñoz: "Gobernu demokratiko batek hauteskunde sindikaletako emaitzak errespetatu beharko lituzke"
Gutxiengo sindikalarekin adostutako akordioei lehentasuna emanda, “arau demokratikoak mespretxatzea oso larria” dela ohartarazi dio Adolfo Txiki Muñoz ELAko idazkari nagusiak Eusko Jaurlaritzari, eta negoziazio kolektiboan “bidezidor antidemokratikoekin kontuz ibiltzea” eskatu du.
Muñozen ahotan, “gobernu demokratiko batek hauteskunde sindikaletako emaitzak errespetatu beharko lituzke”; izan ere, ELAk eta LABek ordezkari sindikalen ia % 60 dituzte EAEn.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.