Zumarragako ArcelorMittaleko 85 langile Asturiasera joango dira
Zumarragako ArcelorMittaleko 85 langilek Avilesko eta Gijongo lantegietara joatea onartu dute, multinazional indiarrak langileei beren etorkizunari buruzko erabakia zuzendaritzari jakinarazteko epea atzo amaitu ostean.
ArcelorMittaleko iturriek EFE albiste agentziari azaldu diotenez, 85 langile Asturiasko lantegietara joango dira, 209k enpresa utzi eta kalte-ordaina jasoko dute, 21k erretiro aurreratua hartuko dute eta beste 8 Zumarragako txatarra parkea kudeatzen geldituko dira.
Enpresa uztea erabaki duten 209 langiletatik 187k ArcelorMittaleko behargin izateari utzi diote dagoeneko eta beste 22k -giza baliabideetako eta lantegiko zigilatze lanetan ari direnak-, ostera, Zumarragako lantegiaren itxiera kudeatu ostean utziko dute lantegia.
Kaleratzea aukeratu duten langileek kalte-ordaina jasoko dute; zehazki, 45 egun 2012ea arte lan egindako urte bakoitzaren truke eta 33 urte, berriz, hortik aurrerako urteengatik.
Asturiasera joango diren langileak La Tobako (Asturias) formazio zentrotik pasatuko dira eta, horien konpetentziak ebaluatu ostean, lanpostu berriak esleituko dizkiete. Azaldu dutenez, Zumarragan egiten zutenaren antzeko funtzioetan jartzea da asmoa.
Enpresak beren etorkizunari buruzko erabakia zuzendaritzari jakinarazteko epea amaituta, ArcelorMittalek itxitzat eman du Zumarragako lantegiaren itxieraren harira langileekin abiatutako negoziazio prozesua.
Albiste gehiago ekonomia
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.