Zoru klausulak atzeraeragin osoz itzultzea ebatzi du Auzitegi Gorenak
Zoru klausulen bidez kobratutako gehiegizko diru guztia itzuli beharko diete bankuek kaltetuei. Auzitegi Gorenak aurrez Europar Batasuneko Justizia Auzitegiak ebatzitakoa berretsi du eta, beraz, hipoteka sinatu zenetik gaur arteraino kobratutako gainkostua itzuli beharko dute.
BBVA bankuak helegitea aurkeztu zuen epaitutako auzia zela argudiatuta, alabaina, Auzitegi Gorenak BBVAren tesia baztertu du. Lehenik, ekintza indibiduala dela argudiatu du. Bigarrenik, orain epaitutako auzia eta 2013an Gorenak ikertutakoa ezberdinak direla adierazi du. Hirugarrenik, berriz, orduan finantza erakundea Caixa d'Estalvis Comarcal de Manlleu zela eta ez BBVA.
Argudio horiek guztiak aintzat hartuta, Bartzelonako Probintzia Auzitegiaren epaia baieztatu du Gorenak. Zoru klausulen bidez gehiegi kobratutako dirua hipoteka sinatu zenetik itzultzea ebatzi zuen aipaturiko epaitegiak, eta BBVAk helegitea aurkeztu zuen Gorenean.
Gorenak epaiaren berri eman die aldeei. Halaber, ez du uste auzia Europar Batasuneko Justizia Auzitegi Nagusira eraman behar denik, BBVAk eskatu bezala. Datozen egunetan ezagutuko da epaiaren testu osoa.
BBVAko iturriek azaldu dutenez, Auzitegi Gorenaren ebazpena errespetatu eta beteko dute, "erreserbarik gabe". "Epaia jasotzen dugunean erantzungo diegu erreklamazioei", gaineratu du.
Zure interesekoa izan daiteke
Iñigo Ucin izango da Ayesa Digitalen presidente ez exekutibo berria
Erantzukizun hori hartuko du Ibermatica zena Euskadira itzultzen denean hasiko den etapa berrian. Ibermatica astearte honetan sartuko da ofizialki Ayesa Digitalen.
Gizon bat hil da Durruma Donemiliagan izandako lan-istripu batean
Istripua ostiralean gertatu zen, 18:30 aldera, belar bola batek azpian harrapatu zuenean langilea.
Tubos Reunidosek 118,1 milioi galdu ditu 2025ean
Azken urtean, finantza-zor garbia 234,3 milioi eurotik 263,2 milioi eurora igo da, besteak beste, FASEE maileguaren interes kapitalizatuen eraginaren ondorioz.
KPIa % 3,3ra igo da martxoan, erregaien prezioen igoeraren ondorioz
Urte arteko KPIaren puntu bateko igoera hau 2022ko ekainaz geroztik izandako handiena da; inflazioa % 8,7tik % 10,2ra igo zen urte hartan.
"Gatazka piztu da berriro" Ertzaintzan, Euspelen arabera
Sindikatua hirugarren indarra izatetik lehen indarra izatera igaro da, 1.732 boto bildu eta 20 ordezkari eskuratuta. "Euspel ez da aldatuko lehen indarra izateagatik", esan du Joseba Saralegi Euspeleko ordezkariak.
Euspelek irabazi ditu Ertzaintzaren hauteskunde sindikalak, eta 20 delegatu izango ditu
Esan bigarren indar gisa kokatu da, horrek ere 20 delegatu lortu baititu. ErNE, azken bi hamarkadetan EAEko polizia autonomikoan gehiengoa izan duen sindikatua, berriz, hirugarren postuan geratu da.
Greba Batzordeak eta Osasun Ministerioak elkarrizketei ekin diete berriro, bi asteko grebaren ostean
Alderdi guztien elkarrizketarako borondatea eskatu dute, Estatutu Markoa lortzeko.
Bilboko Aireportuko ‘handling’ zerbitzuko langileek greba egingo dute astelehenetik aurrera
Maletak eramateaz eta aireportuetako beste zerbitzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
52 urteko gizon bat hil da Valtierran, lan-istripuz
Ezbeharra hondakinak kudeatzeko enpresa batean gertatu da, Nafarroako udalerriko abeltzaintza-industrialdean. Lehen ikerketen arabera, kargatzeko pala batek jo du langilea.
Tubos Reunidosek hitzarturiko kaleratzeekin bat egin dezaten eskaini die finko bihurtutako 42 langileei, aldi baterako langileen baldintzekin
Lan Ikuskaritzak, asteazkenean batzordearekin eta enpresarekin egindako bilera batean, Tubos Reunidosek lege iruzurrez egindako 42-47 behin-behineko kontratu atzeman zituen. Hori dela eta, enpresak finko egin behar izan ditu langileak. Sindikatuek azaldu zutenez, enpresak martxoaren 31ra arte luzatu zituen kontratazio horiek.