DSBEren murrizketen kontrako gose greba bukatu dute hiru ekintzailek
Diru-sarrerak Bermatzeko Errentaren (DSBE) murrizketen kontrako gose greba egiten ari ziren hiru ekintzaileek amaitutzat eman dute Eusko Legebiltzarretik kanporatu ondoren eskainitako agerraldian jakitera eman dutenez. Aurrekontuen eztabaida hasi denean hasi dute protesta, "eskubide sozialetan demokraziaren historiako murrizketarik handiena" salatzeko. Horien ustez, Aurrekontuak onesterakoan gertatu da hori.
"DSBEren kopurua jaitsi dute, hilean 726,47 eurotik 634,96 eurora, 90 euro baino gehiagoko murrizketa", esan du ekintzaile batek, Juan Balmasedak. Horren ustez, "EAJ, PSE eta PPk, bizi ahal izateko DSBE behar dunenen aurrean, aberatsak eta AHT nahi dutenak defendatzea erabaki dute, Madrilera negoziaketak egitera joateko".
"Legebiltzarrak ostiko bat eman die gaur Euskadin pobrezia arriskuan dauden 194.000 pertsonei", esan dute.
Gaitzetsi duten arabera, 2017ko kontuak DSBEn % 7ko murrizketa mantentzen dute eta Lanbide arteko Gutxieneko Soldatarako (LGS) % 8ko igoera ez dute onartu. Azken eskaera horretan, gose greba egin duten hemeretzi egun hauetan ordezkari politiko, sindikal eta sozialen babesa jaso dute.
Ordezkari berdinen babesa jaso dute gaur eguerdian ekintzaileek Bilbon egindako agerraldian. Lehenengo Isabel Garcia euskaraz egin du eta ondoren Balmasedak erdaraz. Adierazi dutenez, "murrizketengatik triste, baina gehiago garelako, indartsuagoak eta antolatuagoak gaudelako kontentu gaude". Ildo horretatik, DSBEren hurrengo erreformari aurre egiteko, maiatzean "beste talde aldarrikatzaile bat" sortuko dutela iragarri dute.
Zure interesekoa izan daiteke
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, enpresak iragarritako 301 kaleratzeei aurre nola egin erabakitzeko.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.
ELAk eta LABek greba deitu dute otsailaren 24, 25 eta 26rako EAEko ikastetxe publikoetako jantokietan
Bi sindikatuek greba deialdi ezberdinak antolatu dituzte. Salatu dutenez, negoziazio kolektiboa blokeatuta dago, dagoeneko indarrean beharko luketen soldata-igoerak ez dira ordaindu eta ez da aurrerapausorik eman ratioetan, funtzioetan eta lanaldietan. Egoera hori jasanezina da, sindikatuen ustez, eta zerbitzuaren kalitateari kalte egiten dio.