Izar enpresa zigortu dute amiantoagatik hildako langile baten auzian
Bilboko Gizarte arloko 7. epaitegiak Izar Construcciones Navales enpresa zigortu du amiantoagatik hildako langile baten auzian, Asviamie amiantoaren biktimen euskal elkarteak ohar batean jakinarazi duenez. Zehazki, 229.302 euroko kalte-ordaina eman beharko die ontziolak gizonaren alargunari eta bi alabei.
P.G.F bihotz-biriketako geldialdi batek jota hil zen 2016an. Urtebete lehenago, ezintasun iraunkor absolutua eman zion Gizarte Segurantzak, amiantoarekin lan egiteagatik garatutako pakipleuritisa edo arnas gutxiegitasun akutua zela eta.
Gizonak 1958 eta 1988 urteen artean egin zuen lan ontzigintzan. Ontzietako sotoak garbitzen eman zituen 10 urte, amianto xaflak ebakitzen eta manipulatzen aritzen ziren beharginekin batera. Jardun horretan ez zuen inongo babes neurririk eduki, epaiak frogatutzat jo duenez. 55 urterekin aurretiazko erretiroa eman zioten.
2011n, amiantoak eragindako pakipleuritisa diagnostikatu, eta lau urte geroago, lanerako ezintasun iraunkor absolutua eman zioten. Gaixotasuna tarteko, oxigeno-bonbona behar zuen arnasteko, eta erietxean jasotzen zuen tratamendua.
Enpresak ez zuen kutsadura saihesteko inongo neurrik hartu. Are, langileek etxera eramaten zituzten laneko arropak, araudiak enpresak egin beharrekoa zela ezarria bazuen ere.
Epaiaren arabera, Izar enpresak 1941eko Segurtasunerako eta Higienerako araudia urratu zuen, baita 1961eko Industria arriskutsuen legedia ere. Epaileak uste du ontziolak araudia bete izan balu arnas aparatuko gaixotasuna gutxiko lituzkeela, "dudarik gabe".
Asviamiek "lotsagarritzat" jo du Izar enpresaren jarrera. Horrez gai, neurriak eskatu dizkie Osalani eta Laneko Ikuskatzailetzari "lanpostuetan dauden eta minbizia eragiten duten substantzien kalteari aurre egiteko".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.