ELA eta LAB gizarte justuagoa lortzeko neurrien alde, Maiatzaren Lehenean
ELAk botere ekonomikoei eta politikoei "kontuak eskatzeko" autonomia aldarrikatuko du Maiatzaren Leheneko ekitaldietan, gizarte "justuagoa" lortzeko helburuarekin.
Horixe adierazi du Adolfo 'Txiki' Muñoz ELAren idazkari nagusiak Bilbon emandako prentsaurreko batean, maiatzaren 1ean Bizkaiko hiriburuan eta Iruñean egingo dituzten manifestazioetan protagonistak Bizkaiko erresidentzietako langileak izango direla jakinarazi aurretik.
Muñozek azpimarratu du "balio ikaragarri handia" duela "ELA autonomoa izatea erabat" botere politiko eta ekonomikoen aurrean.
Aipatu autonomia hori lan handia eginez lortu dutela gaineratu du, eta, horri esker, "inork" ezin diola esan "sindikatuari zer egin behar duen".
EAJk Aberri egunean egin zien lankidetza eskaintzaren harira, Muñozek esan du ELAk "sekula ez" dituela alderdiekiko harremanak modu "klientelarrean" edukiko.
Izan ere, ELAk uste du "Jaurlaritzak eta hori osatzen duten alderdiek" ez dutela onartzen "lan gatazketan sindikatuak duen kritika sozial jokabidea".
Bestalde, LABek subiranotasunean ikusten du gizarte justuagoa lortzeko giltza, eta horixe aldarrikatuko du, eredu ekonomiko eta sozial berrirako bidea delakoan.
Sindikatu abertzaleak uste du garai berri baten aurrean daudela, Katalunia eta Eskozia "independentziaruntz" doazelako, besteak beste. Testuinguru horretan, uste du "herrialde honetan ere geroz eta gehiago" direla "lan eta bizi baldintzen inguruan erabakitzeko eskubidea nahi dutenak".
LABen Nafarroako bozeramailearen arabera, "aurrerapauso nabarmenak eman dira demokratizazio prozesuan" Foru Erkidegoko gobernu aldaketaren ondorioz, "baina aldaketa soziala praktikan jartzeke dago".
Subiranotasunarekin batera, sindikatuak "oinarrizko aldarrikapenak" izango ditu, tartean "35 orduko lan astea, 1.200 euroko gutxieneko soldata, 1.080 euroko gutxieneko pentsioa, eta zerbitzu publikoak garatzea".
Zure interesekoa izan daiteke
Trumpek Venezuelako petrolioaren kontrola hartu zuenetik Europara heldu den lehen ontzia Bilboko portuan da
Hilabete eta sei egun igaro dira Josu Jon Imaz Repsoleko egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da azken orduotan Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.
Euskadik zerua ukitu nahi du aeronautikan: 110 milioi inbertituko ditu proiektu batean, eta 800 lanpostu sortu
ITP Aero izango da proposamenaren buru, eta hamabi enpresak hartuko dute parte harekin batera.
Estatutu propio baten aldeko aldarria zabaldu dute medikuek Donostian
Osakidetzan lehen arretako mediku bat egongo da gutxienez osasun-etxe bakoitzean. Baliteke urgentziazkoak ez diren ebakuntza batzuk bertan behera uztea.
Zer eskatzen dute medikuek?
Medikuen sindikatuek Estatutu Marko propioa eskatzen dute, euren lanbideak Osasunaren sektoreko gainerako lanbideetatik bereizten dituzten ezaugarriak dituela argudiatuta.
Espainiako Gobernuak gutxieneko soldataren igoera sinatuta, zenbatekoa izango da LGS berria?
Behin akordioa sinatuta, litekeena da Errege Dekretua astearte honetan onartzea, % 3,1eko igoerarekin.
Albiste izango da: medikuen greba, aireportuen eskualdatzea eta abisu horia euriagatik
Gaurkoan albiste izango direnen laburpena, bi hitzetan.
Tamara Yagüe (Confebask): "Industria atzeraldira hurbil daiteke une batzuetan; datozen hilabeteak erabakigarriak izango dira"
Arantza Ruizek Confebaskeko presidentea elkarrizketatu du ETBko "12 minutos" saioan. Yagüek azpimarratu du hazkundea ez dela etengabea sektore guztietan, eta, industriari dagokionez, zuhur jokatzea komeni dela adierazi du, "datozen hilabeteak erabakigarriak" izango baitira.
Sarralle taldea osatzen duten zazpi lantegitan sei hilabeterako erregulazio txostena jarriko dute martxan
Enpresak eta langileek ez dute akordiorik lortu lantegi gehienetan, eta kontsultetarako epea agortuta, astelehenetik aurrera indarrean izango da aldi baterako enplegu-erregulazioko espedientea (ABEEE). Taldeak arrazoi ekonomikoak eta teknologiari lotutakoak argudiatu ditu erregulazioko txostena abian jartzeko.
Galiziako itsaski-biltzaileak kezkatuta daude euriteen ondorioz itsaskiak hilda agertzen ari direlako
Berberetxoa % 30 garestitu da, bata bestearen atzetik izan ditugun ekaitzen ondorioz asko hil egin baitira. Galiziako itsaski-biltzaileak kezkatuta bizi dira denboraleen boladari begira, etengabeko euriek itsasadarren gazitasuna murriztu dutelako, eta, ondorioz, berberetxoen % 70 hil direlako.