Arabako sorosle eta monitoreek greba egingo dute gaurtik aurrera
Arabako igerilekuetan eta Garaioko urtegian lan egiten duten 450 sorosleek eta kirol monitoreek greba egingo dute gaurtik aurrera. Arabako kirol jardueretako langileen batzarrak ez du onartu sektoreko patronalak egindako proposamena, eta greba egitea erabaki du, uztailaren 31ra arte. Zehazki, kirol monitoreen soldata % 1 eta sorosleena % 7 handitzea proposatzen zien langileei patronalak.
LAB, ELA eta CCOO sindikatuetako ordezkariek ostiralean iragarri zuten Arabako kirol jardueren sektoreko langileek grebarekin aurrera jarraitzea erabaki zutela. Langileek gogora ekarri dutenez, hitzarmenak 2015ean galdu zuen iraunaldia, eta dagoeneko bi urte daramatzate hitzarmena berritzen saiatzen. Alabaina, patronalak ez duela negoziazioekin aurrera jarraitu nahi salatu dute.
Grebak Arabako igerileku guztietan eta Garaioko urtegian izango du eragina. Dena dela, igande honetan hasiko duten grebaren jarraipen nabariena Gasteizen izango da, bertan kirol jarduerako 300 langile baitaude kontratatuta.
Gauzak horrela, Mendizorrotza eta Gamarrako igerileku publikoez gain (Gasteiz), Arabako kirol jardueretako langileek deitutako grebak Garaioko urtegian ere izango du eragina.
Sindikatuek ondorengo "oinarrizko" aldarrikapenak egin dituzte, besteak beste: soldata duinak "kategoria prekarizatuenentzat", asteko egun guztietan errefortzu moduan dauden udako sorosleentzako ordaina eta soldata izoztua izan dituzten langileek galdu duten erosteko ahalmena berreskuratzea. Sindikatuen esanetan, sektorean "egoera kezkagarriak" bizi dituzte, eta orduko 6,22 euro irabazten dituztela salatu dute.
Igerileku publikoak ixtea aztertuko du Udalak
Ildo horretatik, Mendizorrotza eta Gamarrako igerileku publikoak ixtea "egunez egun" aztertuko duela jakinarazi du Gasteizko Udalak, Arabako kirol jardueretako langileek egingo duten grebaren jarraipenaren arabera.
Hala, langile bakoitzak duen eskubide bat izanik, grebaren jarraipena egunean bertan jakingo dutela azaldu du Gasteizko Udalak. Ondorioz, lanera joatea erabakitzen duten sorosleen eta kirol monitoreen arabera erabaki bat hartuko dutela berretsi du Udalak.
Beste alde batetik, greba hasi aurretik Gasteizko Udala bi aldeen arteko akordioa lortzen ahalegintzeko lanean jarraituko duela ziurtatu du Estibaliz Canto Kultura, Hezkuntza eta Kirol zinegotziak.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".