Hitzarmen duina eskatu dute Arabako kirol jardueretako langileek
Arabako kirol jardueretako kolektiboa osatzen duten langileek elkarretaratzea egin dute igande honetan Gasteizko Andre Maria Zuriaren Plazan, eta "hitzarmen duina" eskatu dute. Ildo horretatik, negoziazioetan aurrera egiteko "patronalak jarritako interes falta" salatu dute.
Besteak beste, sorosleek, kirol monitoreek, atezainek eta zaintzaileek osatzen dute Arabako kirol jardueretako kolektiboa. Bertako igerileku publikoetan eta urtegietan lan egiten duten langileek igande honetan hasi dute greba, eta goizean izandako jarraipen zabala dela eta, Gasteizko Udalak Gamarra eta Mendizorrotzako igerileku publikoak itxi behar izan ditu. Era berean, ezin izan dira erabili beste zerbitzu batzuk eskaintzen dituzten kirol instalazioak ere; Lauka, Abetxuko edo Zaramagako frontoiak, esaterako.
‘Kirol jarduerak hitzarmen duinaren alde’ lelopean, Andre Maria Zuriaren Plazan elkartu dira kolektibo horretako langileak. “Lau zenbakidun kategorian sartzen diren langileek (atezainek eta zaintzaileek, besteak beste) orduko 6,22 euro irabazten dituzte, eta lana badute ere, soldata horrekin txiroak gara”, esan dute beharginek.
“Udako denboraldian lan egiten dugunok enpresaren esku gaude asteko egun guztietan, eta, eguraldiaren arabera, lanera gatoz edo etxean geratzen gara, dirurik irabazi gabe”, gaineratu dute langileek.
Kolektibo horretako beharginen esanetan, Gasteizko Udalak du gaur egun bizi duten egoeraren “erruaren zati handiena”. “Udalak aukeratzen dituen enpresek ez dute langileen baldintzak hobetzeko aukerarik, eta kasu askotan ez da sinatutako hitzarmena betetzen”, azaldu dute.
Gamarra eta Mendizorrotzako igerilekuak, itxita
Gasteizko Udalak Gamarra eta Mendizorrotzako igerileku publikoak itxi ditu igande honetan, Arabako kirol jardueretako langileek deitutako greba dela eta. Bertako igerileku publikoetan eta urtegietan lan egiten duten sorosle eta monitoreek 08:00etan hasi dituzte lanuzteak, eta uztailaren 31ra arte egingo dute greba. Udalaren esanetan, “jarraipen zabala” izaten ari da, eta, hori dela eta, igerileku publiko gehienak ixtea erabaki dute.
Gasteizko Udaletik jakitera eman dutenez, Gamarrako ‘kirolklub’ zerbitzua bakarrik ireki dute; izan ere, bertako langileak ez dituzte grebara deitu. Bertan, jarduera desberdinak eskaintzen dituzte.
LAB, ELA eta CCOO sindikatuetako ordezkariek ostiralean iragarri zuten Arabako kirol jardueren sektoreko 450 langile lan-hitzarmen berria adostu ezinik daudela eta grebara jotzea erabaki dutela, uztailaren 23an hasi eta uztailaren 31ra arte. Zehazki, kirol monitoreen soldata % 1 eta sorosleena % 7 handitzea proposatu zien langileei patronalak.
Gamarra eta Mendizorrotzako igerileku publikoak Gasteizko igerileku handienak dira. Grebaren jarraipen handia dela eta, beste zerbitzu batzuk ere itxi behar izan dituzte igande honetan: Aldabe, Lakua, Judizmendi eta San Andres kiroldegietako igerileku estaliak itxi behar izan dituzte. Gainera, egun hauetan irekita dauden igerileku bakarrak dira horiek, besteetan urtero egiten dituzten mantendu lanak egiten ari baitira.
Era berean, egun osoan ezingo dira erabili Lakua, Abetxuko, Astronomoak, Zaramaga eta Adurzako frontoiak, ezta Ariznabarra eta Hegoalde kiroldegietako eskalada-murruak ere.
Gasteizko Udalak azaldu duenez, arratsaldeko lan-txandarekin grebak jarraipen handia duela aztertu ondoren, igerileku publikoak eta gainerako kirol zerbitzu horiek guztiak itxita jarraitzea erabaki dute.
Instalazio publiko horietan, 300 sorosle eta monitore inguru daude lanean, eta Gasteizko Udalak kudeatzen dituen kiroldegiek eskaintzen dituzten zerbitzuez eta bertan antolatzen dituzten kirol jarduerez arduratzen dira.
Bittor Gonzalez LAB sindikatuko bozeramailea pozik agertu da grebaren lehen egunean izandako jarraipenarekin. Goizean datu zehatzik ematerik izan ez duen arren, jarraipenaren zenbatekoa aztertzen ari direla esan du.
Sindikatuek ondorengo "oinarrizko" aldarrikapenak egin dituzte: soldata duinak "kategoria prekarizatuenentzat", asteko egun guztietan errefortzu moduan dauden udako sorosleentzako ordaina eta soldata izoztua izan dituzten langileek galdu duten erosteko ahalmena berreskuratzea. Sindikatuen esanetan, sektorean "egoera kezkagarriak" bizi dituzte, eta orduko 6,22 euro irabazten dituztela salatu dute.
Gamarrako igerilekua. Artxiboko argazkia: EiTB
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.